تەننيستەن حالىقارالىق ATP Cup ءتۋرنيرى 2021 جىلدىڭ 1-5 اقپانى ارالىعىندا اۋستراليانىڭ مەلبۋرن قالاسىندا وتەتىن بولىپ بەكىتىلدى, دەپ حابارلادى ۇوك ءباسپاسوز قىزمەتى.
اتالعان ءتۋرنيردىڭ ءوتۋ-وتپەۋى ءبىراز ۋاقىتقا دەيىن بەلگىسىز بولعان ەدى. الايدا ۇيىمداستىرۋشىلار جارىستى ءبارىبىر وتكىزۋ تۋرالى شەشىم قابىلداعان. بۇل دودانىڭ باستى ەرەكشەلىگى – قاتىسۋشى كوماندالار سانى ەكى ەسەگە قىسقاردى. عالامدىق پاندەميا سالدارىنان تۋىنداعان قارجىلىق داعدارىسقا بايلانىستى جارىسقا قاتىساتىن كوماندالار سانى 24-تەن 12-گە ازايدى. سونداي-اق جارىستى ۇيىمداستىرۋشىلار تۋرنير بيۋدجەتىنىڭ دە ەكى ەسەگە كەمىگەنىن حابارلادى. تۋرنيردە جەڭىسكە جەتكەن تەننيسشىگە 500 رەيتينگ ۇپاي بەرىلسە, جۇپتىق سىندا توپ جارعاندار 250 ۇپايدان ەنشىلەيدى.