«سامۇرىق-قازىنا» ۇاق» اق باسقارما توراعاسى احمەتجان ەسىموۆ كەڭەيتىلگەن اپپاراتتىق كەڭەس وتكىزدى. كەڭەس بارىسىندا وتكەن جىلدىڭ قورىتىندىسى شىعارىلىپ, 2021 جىلعا باستى نازار – ينۆەستيتسيالىق حولدينگ فورماتىنا كوشۋ بەلگىلەندى, دەپ حابارلايدى Egemen.kz.
قور باسشىسىنىڭ ايتۋىنشا, پاندەميامەن جانە مۇناي باعاسىنىڭ قۇلدىراۋىمەن بايلانىستى قوس سوققى سالدارىنان ەل ەكونوميكاسى ايتارلىقتاي تەرىس سالدارعا ۇشىرادى. دەگەنمەن, ا.ەسىموۆتىڭ ايتۋىنشا, قور وسى جاعدايدا كومپانيالاردىڭ قارجىلىق تۇراقتىلىعىن نىعايتۋ جونىندەگى ءىس-شارالاردى تابىستى جۇزەگە اسىردى. ونىڭ ايتۋىنشا, داعدارىسقا قارسى تۇرۋعا جانە تەرىس اسەردى ازايتۋعا, ەڭ الدىمەن, 2018 جىلدان باستاپ جۇزەگە اسىرىلعان شارالار كومەكتەستى.
اتاپ ايتقاندا, قور سىرتقى قارىزدىڭ 8 ملرد دوللارىن وتەگەن, سونىڭ ەسەبىنەن 1 ترلن تەڭگەگە باعامدىق تاۋەكەل جويىلعان. ۆاليۋتاعا جىل سايىنعى قاجەتتىلىك 269 ملرد تەڭگەگە تومەندەدى. بۇل رەزەرۆتەر پاندەميانىڭ ءبىرىنشى تولقىنىنىڭ سوققىسىنا توتەپ بەرىپ, قور توبىنىڭ كاسىپورىندارىنىڭ ۇزدىكسىز جۇمىسىن قامتاماسىز ەتتى. بۇل رەتتە كۆازيمەملەكەتتىك سەكتور سۋبەكتىلەرىنىڭ تازا تابىسىنىڭ 95%-عا دەيىنى «سامۇرىق-قازىنا» ۇلەسىنە تيەسىلى.
وسى جىلدىڭ ناۋرىز-ءساۋىر ايلارىندا شىعىنداردى تاعى 429 ملرد-قا وڭتايلاندىرۋ بويىنشا جۇمىستاردىڭ ەكىنشى كەزەڭى ىسكە اسىرىلدى جانە تسيفرلىق ترانسفورماتسيا باعدارلاماسىن جانە جۇمىستا IT تەحنولوگيالاردى پايدالانۋ بەلسەندى ىسكە اسىرىلا باستادى.
ا. ەسىموۆتىڭ ايتۋىنشا, بۇل ءىس-شارالار توپقا داعدارىس كەزەڭىندە بەلگىلى ءبىر قاۋىپسىزدىك قورىن قۇرۋعا, ءوندىرىستى توقتاتۋعا, وندىرىستىك پەرسونالدى قىسقارتۋعا جول بەرمەۋگە جانە جالاقى تولەمدەرىن ساقتاۋعا مۇمكىندىك بەردى. ايتا كەتەيىك, «سامۇرىق-قازىنا» ەلىمىزدىڭ ەڭ ءىرى جۇمىس بەرۋشىلەرىنىڭ ءبىرى بولىپ تابىلادى – شامامەن 300 مىڭ قىزمەتكەر.
احمەتجان ەسىموۆ سونداي - اق 2021 جىلدىڭ باستى ەكپىنىن-قوردى 2024 جىلعا قاراي ينۆەستيتسيالىق حولدينگ ەتىپ قايتا قۇرۋدى اتاپ ءوتتى. ونىڭ ايتۋىنشا, ينۆەستحولدينگ رولىنە كوشۋ جولىندا قور الدىنا كوپتەگەن جاڭا مىندەتتەر قويىپ وتىر.
مىسالى, اعىمداعى جىلى «سامۇرىق-قازىنا» قىزمەتى SWFI ەڭ يننوۆاتسيالىق قورلاردىڭ توپ-10 قالىپتاستىرۋى كەزىندە ەسكەرىلدى, بۇۇ ەسەبىنە سايكەس «سامۇرىق-قازىنا» الەمنىڭ وزىق قورلارىنىڭ توپ — 20 قۇرامىنا كىردى. اعىمداعى جىلدىڭ قاراشا ايىندا قور ەگەمەندى ءال-اۋقات قورلارىنىڭ اشىقتىق رەيتينگىندە بارىنشا مۇمكىن بولاتىن 10 بالل الدى.
قور باسشىسى ينۆەستحولدينگ فورماتىنا كوشۋ ينۆەستيتسيالاردى ءبولۋدىڭ اشىقتىعىن ارتتىرۋ جانە بيزنەس-پروتسەستەرگە جاڭا تاسىلدەردى بىلدىرەدى دەپ اتاپ ءوتتى.
ءسوز سوڭىندا ا. ەسىموۆ جاڭا جىلدان باستاپ جاڭا فورماتقا كوشۋ جوسپارىن ازىرلەۋگە كىرىسۋدى تاپسىردى.