اقمولا وبلىسىنداعى استارحان تەحنيكالىق كوللەدجىنىڭ ەكى بىردەي ستۋدەنتى زيراتتا اسىلىپ ءولدى. بۇل تۋرالى «استانا» تەلەارناسى حابارلادى.
اقمولا وبلىستىق ىشكى ىستەر دەپارتامەنتىنىڭ دەرەگىنە جۇگىنسەك, 27 قاراشادا ەكى جىگىت استارحانكا اۋىلىنداعى اۋرۋحانادان شىققان كۇيى ءىز-ءتۇسسىز جوعالىپ كەتكەن. ازىرگە قۇقىق قورعاۋ قىزمەتكەرلەرى بولعان وقيعانىڭ ءمان-جايىنا ناقتى تۇجىرىم جاساعان جوق. «ستەپنوگورسك قالاسى زيراتىنىڭ شىعىس جاعىندا قاراعاي اعاشىنا اسىلعان ەكى جىگىتتىڭ ءمايىتى تابىلدى. تەكسەرۋ بارىسىندا ولاردىڭ اقمولا وبلىسىنىڭ تۇرعىندارى ەكەنى انىقتالدى. ولاردىڭ ءوز ءوزىن ولىمگە قيۋ سەبەبىن ساراپتاما قورىتىندىسىنان كەيىن ايتاتىن بولامىز»,-دەيدى وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلنار پينچۋك.
باقىتبەك كەنەش ۇلى.
دەرەككوز: «استانا» تەلەارناسى.