بىلتىر قاراشا ايىنان باستاپ جىلجىمايتىن م ۇلىكتىڭ تەحنيكالىق پاسپورتىن ەلەكتروندى تۇردە الۋ مۇمكىندىگى استانا مەن شىمكەنت قالاسىنىڭ تۇرعىندارىنا بەرىلگەن-ءدى. ەندى «ازاماتتارعا ارنالعان ۇكىمەت» مەملەكەتتىك كورپوراتسياسى «ۇلتتىق اقپاراتتىق تەحنولوگيالار» اق-مەن بىرلەسىپ, اتالعان مەملەكەتتىك قىزمەتتى قازاقستاننىڭ بارلىق ءوڭىرىنىڭ تۇرعىندارى egov.kz ەلەكتروندى ۇكىمەت پورتالىنان الۋىنا مۇمكىندىك جاسادى. جاڭا قىزمەت قازاقستاندىقتارعا حقو-عا بارماي-اق, جىلجىمايتىن م ۇلىك تەحپاسپورتىن ونلاين الۋعا مۇمكىندىك بەرەدى.
ەلەكتروندى تەحپاسپورتتى ەلەكتروندى ۇكىمەت پورتالىندا الۋ ءۇشىن «جىلجىمايتىن م ۇلىك» بولىمىنە كىرىپ, «جىلجىمايتىن م ۇلىك وبەكتىسىنىڭ تەحنيكالىق پاسپورتىن الۋعا ەلەكتروندى ءوتىنىش بەرۋ» قىزمەتىن تاڭداۋ قاجەت. پاتەرلەردىڭ, جاتاقحانا بولمەلەرىنىڭ, جەكە گاراجداردىڭ جانە ساياجاي قۇرىلىستارىنىڭ قۇقىق يەلەرى ونلاين سۇراۋ سالعاننان كەيىن تىزىمدە كورسەتىلگەن قۇجاتتاردى تىركەۋى قاجەت. قۇجاتتى دايىنداۋ مەرزىمى جىلجىمايتىن م ۇلىك تۇرىنە بايلانىستى. تەحنيكالىق تەكسەرۋ قورىتىندىسى بويىنشا پاتەردىڭ, جاتاقحانالارداعى بولمەنىڭ تەحپاسپورتى ءۇش جۇمىس كۇنى, جەكە گاراجدار مەن ساياجاي قۇرىلىستارىنا بەس جۇمىس كۇنى وتكەن سوڭ بەرىلەدى. پاتەر, جاتاقحانا بولمەسى, جەكە گاراجدار مەن ساياجاي قۇرىلىستارىنا راسىمدەلەتىن ەلەكتروندى تەحپاسپورت حقو-دا قولتاڭبامەن راستالىپ, ءمور باسىلىپ بەرىلەتىن قۇجاتتاعىداي بىردەي دەرەكتەردى قامتيدى. تەحپاسپورتتىڭ ەلەكتروندى بالاماسى مەملەكەتتىك قىزمەتتەردى كورسەتۋگە تارتىلعان قىزمەتكەرلەردىڭ ەلەكتروندى-تسيفرلى قولتاڭباسىمەن راستالاتىن بولادى.
ايتا كەتەيىك, نۇر-سۇلتان جانە شىمكەنت قالالارىندا جۇزەگە اسىرىلعان قاناتقاقتى جوبا اياسىندا 12 مىڭنان استام قازاقستاندىق جاڭا تەحپاسپورتتى ەلەكتروندى تاسىلمەن العان.