ۋكراينا مەن رەسەي پرەزيدەنتتەرى سوچيدە كەزدەسىپ, ەكى جاق اراسىنداعى ستراتەگيالىق ارىپتەستىك جونىندەگى كەلىسىمنىڭ دايارلىعىن ءسوز ەتتى. بۇل تۋرالى ۋكراينا پرەمەر-ءمينيسترى نيكولاي ازاروۆتىڭ مالىمدەمەسىنە سىلتەمە جاساعان يتار-تاسس حابارلادى.
«ۋكراينا پرەزيدەنتى قىتايداعى ساپارىنان قايتىپ بارا جاتىپ, سوچيگە توقتادى. وندا الدىن-الا كەلىسىلگەن كەزدەسۋ ءوتتى, – دەيدى نيكولاي ازاروۆ. – ماسەلە رەسەي مەن ۋكراينا اراسىندا ستراتەگيالىق ارىپتەستىك ورناتۋ بولىپ وتىر».
نيكولاي ازاروۆ رەسەي مەن ۋكراينانىڭ ەكى جاق اراسىنداعى سوڭعى ءۇش جارىم جىل ىشىندە ورىن العان كەلىسپەۋشىلىكتەردىڭ ءبارىن جويۋعا مۇددەلى ەكەندەرىن ايتادى.
ۋكراينانىڭ سىرتقى ىستەر ءمينيسترى لەونيد كوجارانىڭ ايتۋىنشا, ءبىرىنشى كەزەكتە, سوچيدە كووپراتسيالاردىڭ ستراتەگيالىق قارىم-قاتىناسى جونىندەگى قۇجاتتىڭ ماقۇلدانۋى ءسوز بولدى. «بۇل ارقىلى ۋكراينا ءوندىرىس ورىندارىندا 500 مىڭ جۇمىس ورنىن ساقتاپ قالا الادى», – دەدى ول. ول سونداي-اق ۋكراينانىڭ رەسەي فەدەراتسياسىمەن دە, ەۋروپا وداعىمەن دە ستراتەگيالىق ارىپتەستىك دەڭگەيىن ورناتقانىن العا تارتتى. «ال كيەۆتىڭ ەۋروينتەگراتسيالىق باعىتتا ءۇزىلىس الۋى ۋكراينا ەكونوميكاسىنا ەشبىر زيان كەلتىرمەيدى», – دەدى لەونيد كوجارا.
ايدار ورىسباەۆ.
دەرەككوز: Itar-tass.com