جاڭا جىل قارساڭىندا قوسىمشا ۆاگوندار ىسكە قوسىلادى

قازىر قازاقستاندا قولدانىستاعى 156 جۇپ جولاۋشىلار پويىزىنىڭ 117-ءسى قاتىناۋدا. شەكتەۋلەر كوروناۆيرۋس ينفەكتسياسىنىڭ تارالۋىنا جول بەرمەۋگە بايلانىستى قابىلدانعان.

الايدا 2020 جىلدىڭ 26 جەلتوقسانىنان باستاپ 2021 جىلدىڭ 5 قاڭتار ارالىعىنداعى جاڭا جىلدىق كەزەڭدە جولاۋشىلاردى تاسىمالداۋ ءۇشىن 704 قوسىمشا ۆاگون تىركەمەسى​ قامتاماسىز ەتىلەدى.

وسىلايشا, 30 مىڭعا جۋىق جولاۋشىنى قوسىمشا قامتۋ جوسپارلانىپ وتىر.

ۆاگوندار كەلەسى باعىتتار بويىنشا پويىزدارعا قوسىلادى:

1) نۇر-سۇلتان – الماتى, ماڭعىستاۋ, اتىراۋ, سارىاعاش, ارقالىق, سەمەي, پەتروپاۆل جانە پاۆلودار;

2) الماتى – اقتوبە, اتىراۋ, ماڭعىستاۋ, سارىاعاش, وسكەمەن, جەزقازعان جانە ورال;

3) پاۆلودار – پرەسنوگوركوۆسكايا;

4) قىزىلوردا – سەمەي;

5) اقتوبە – اتىراۋ.

ايتا كەتەيىك, تاسىمالداۋشىلار ساقتىق شارالارىن تولىق ساقتاۋى قاجەت.