تۇرعىن ءۇي ماسەلەسى شەشىلەدى

ءماجىلىس دەپۋتاتتىعىنا كانديدات ەسجان ورازالين, وبلىستىق ءماسليحات دەپۋتاتتىعىنا كانديدات ۆلاديمير بۋبەنكو جانە قالالىق ءماسليحات دەپۋتاتتىعىنا كانديدات اناتولي كازانوۆسكي قالا تۇرعىندارىنا پارتيانىڭ سوڭعى 5 جىلداعى جۇمىسىنىڭ قورىتىندىلارى تۋرالى ايتىپ, سايلاۋالدى باعدارلاماسىن تانىس­تىردى.

ەسجان ورازالين وتباسى ينس­تيتۋتىن نىعايتۋ, ولاردىڭ ماتە­ريالدىق تۇراقتىلىعىن قامتا­ماسىز ەتۋ, تۇرعىن ءۇي الۋ ءۇشىن مۇم­­كىندىكتەر جاساۋ بويىنشا شا­را­لار كەشەنى قولدانىلاتىنىن اتاپ ءوتتى.

ء«بىزدىڭ وبلىستا شامامەن 137,4 مىڭ وتباسى تۇرادى, ونىڭ ىشىندە كوپ بالالى 3 243 وتباسى. Nur Otanniń ماقساتى – 2025 جىل­عا قاراي وبلىس بويىنشا ءبىر تۇرعىنعا شاققاندا تۇرعىن ۇيمەن قامتاماسىز ەتىلۋ كورسەتكىشىن 25,5 شارشى مەتر دەڭگەيىنە دەيىن جەتكىزۋ. بۇل ءۇشىن ءبىز وڭىردە 89 كوپ پاتەرلى تۇرعىن ءۇي سالۋ مىندەتىن قويىپ وتىرمىز», دەدى ءماجىلىس دەپۋتاتتىعىنا كانديدات ەسجان ورازالين.

«7-20-25» جانە «5-10-20» باعدارلامالارى بويىنشا وبلىس تۇرعىندارىن كرەديتتىك تۇرعىن ۇيمەن قامتاماسىز ەتۋ, تۇرعىن ءۇي قۇرىلىسىنا جەكە ينۆەستيتسيا­لاردى تارتۋ جانە مەملەكەتتىك-جەكەمەنشىك ارىپتەستىگىن ىنتالاندىرۋ بويىنشا جۇمىس جالعاسادى. ناتيجەسىندە, 16,7 مىڭ سول­تۇس­­تىك­قازاقستاندىق وتبا­سى­نىڭ تۇرعىن ءۇي جاعدايى جاقسارتىلادى.

ءوز كەزەگىندە, وبلىستىق ءماس­لي­حات دەپۋتاتتىعىنا كانديدات ۆلاديمير بۋبەنكو قالا تۇر­عىندارىنا دەنساۋلىق ساقتاۋدىڭ جاڭا نىسانى تۋرالى ەگجەي-تەگجەيلى ايتىپ بەردى.

«پەتروپاۆلدا 510 توسەكتىك قازىرگى زامانعى جابدىقتارمەن كوپ سالالى اۋرۋحانا سالىنادى. وندا جۇمىس ىستەيتىن دارى­گەرلەر قاجەتتى كۋرستاردان ءوتىپ جاتىر. ەندى نۇر-سۇلتان, ال­ماتى, تۇمەن, ءنوۆوسىبىر, ومبى قالالارىنا بارۋدىڭ قاجەتى جوق. سولتۇستىكقازاقستاندىقتار وسىندا بىلىكتى مەديتسينالىق كومەك الىپ, دەنساۋلىق ماسەلەلەرىن شەشە الادى», دەپ اتاپ ءوتتى ۆلاديمير بۋبەنكو.