«قازاقستاندىق وتباسىلار-2020» ۇلتتىق بايانداماسىنىڭ جوباسى ساراپتامالىق تالقىلاۋدان ءوتتى. قۇجاتتى اقپارات جانە قوعامدىق دامۋ مينيسترلىگىنىڭ تاپسىرىسى بويىنشا «رۋحاني جاڭعىرۋ» قازاقستاندىق الەۋمەتتىك دامۋ ينستيتۋتىنىڭ وتباسى ينستيتۋتى زەرتتەۋ ورتالىعىمەن بىرلەسىپ ازىرلەدى.
زەرتتەۋ بارىسىندا قازاقستاندىق وتباسىلاردىڭ جاعدايى تالدانىپ, ەلىمىزدەگى وتباسىلىق ساياساتتى جەتىلدىرۋ بويىنشا ۇسىنىستار ازىرلەندى. ءىس-شاراعا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ توراعاسى ءلاززات رامازانوۆا, اقپارات جانە قوعامدىق دامۋ ۆيتسە-ءمينيسترى اسحات ورالوۆ, سونداي-اق بەلارۋس, وزبەكستان, ۋكراينا, تاجىكستاننان كەلگەن قازاقستاندىق جانە حالىقارالىق ساراپشىلار قاتىستى.
ءلاززات رامازانوۆا ءوز سوزىندە «ۇلتتىق بايانداما وتباسى سالاسىندا جۇمىس ىستەيتىن ءاربىر ماماننىڭ انىقتامالىق كىتابى بولۋى كەرەك», دەدى. ول ەسەپتىڭ نەگىزگى تۇجىرىمدارىن ەسكەرە وتىرىپ, قازاقستاندا 2030 جىلعا دەيىنگى وتباسىلىق-گەندەرلىك ساياسات تۇجىرىمداماسىن (ەكىنشى كەزەڭ: 2020-2022) ىسكە اسىرۋ جونىندەگى ءىس-شارالار جوسپارىن جاڭارتۋدى ۇسىندى.
تۇتاستاي العاندا, ءىس-شاراعا قاتىسقان ساراپشىلار اتالعان قۇجاتتىڭ ماڭىزدىلىعىن ايتىپ, ۇلتتىق باياندامانى دايىنداۋ ساپاسىنا جوعارى باعا بەردى.