جۇيرىك قىزدىڭ جۇلدەسى

ولگا شيشيگينانىڭ سىيعا تارت­قان جەكە زاتتارى ۇلتتىق مۋزەي­دىڭ «اسىل مۇرا» زالىنان ورىن ال­دى. ولاردىڭ قاتا­رىندا تانى­مال سپورت­شىنىڭ 2000 جىلى سيد­نەي جازعى وليمپياداسىنان ەستە­لىك زاتتارى, سون­داي-اق باسقا دا حالىق­ارا­لىق سپورت­تىق جارىستاردا جەڭىپ ال­­عان مە­دالدارى مەن ناگرادالارى بار.

«سپورتتاعى جەتىستىك­تەرىمنىڭ ءبىر بولىگىن مۋزەيگە تاپسىراتىن كەز كەل­دى دەپ ويلايمىن. مەدالدار مەن ما­راپاتتار ۇيدە عانا ساقتالىپ تۇرماي, مۋزەيدە ساقتالعانى ءجون شى­عار. سەبەبى مەنىڭ جەتىستىكتەرىم – ول ەلىمنىڭ جەتىستىگى. وسى ورايدا ەندىگى ۋاقىتتا مۋزەيگە كەلۋشىلەر مە­نىڭ سپورتتاعى جەڭىپ العان ما­راپاتتارىمدى ءوز كوز­دەرىمەن كورە الادى. بۇل زاتتار مەنىڭ ءومىرىمنىڭ ءبىر بولىگى دەسەم دە بولادى. مۇن­دا كەڭەس وداعى زامانىنان كۇنى كەشەگە دەيىن­گى مەن قاتىسقان جارىستاردان ەس­تەلىكتەر بار»,  دەدى ولگا شيشيگينا.

ءىس-شاراعا مەملەكەت جانە قوعام قايراتكەرلەرى, سونداي-اق سپورت جانە ما­دەنيەت سالاسىنىڭ وكىل­دەرى قاتىستى.

وليمپيادا چەمپيونى ۇلتتىق مۋزەيگە بارلىعى 45 جەكە زاتىن سىيعا تارتتى. «ولگا شيشيگينا ءبىز ءۇشىن سپورتتاعى جار­قىن جە­ڭىستىڭ سيمۆولى. جەر­لەسىمىزدىڭ سيدنەي وليم­پيا­داسىنداعى جە­ڭىسى ءالى كۇنگە ەسىمىزدە جانە ول سپورت تاريحىندا ماڭگى قالادى. بۇل كىسى وتا­­نىمىزدىڭ پاتريوتى جانە سپورتپەن قاتار ەلىمىزدىڭ دامۋىنا دا ءوز ۇلەسىن قوسىپ كەلەدى», دەيدى ۇلتتىق مۋزەيدىڭ دي­رەكتورى ارىستانبەك مۇحا­مەدي ۇلى.

ايتا كەتسەك, اتالعان ءىس-شارا «ۇلتتىق مۋزەيگە سىيعا تارتۋ» جوباسى اياسىندا ۇيىمداستىرىلدى. ونداعى ماقسات – ەلىمىزگە جانە الەمگە تانىمال تۇل­عالارعا تيەسىلى قۇندى جا­نە ەستەلىك زاتتاردى ساق­تاپ, ونى كەيىنگى ۇر­پاققا جەتكىزۋ.