2020-2021 جىلدارى تۇركىستان وبلىسىنىڭ ماقتاارال, جەتىساي, سارىاعاش, كەلەس, شاردارا, سايرام اۋداندارىنىڭ ينفراقۇرىلىمىن دامىتۋ باستى نازارعا الىندى. بۇل تۋرالى وبلىس اكىمى ومىرزاق شوكەەۆ مالىمدەدى, دەپ حابارلايدى Egemen.kz.
وبلىس اكىمدىگىنىڭ ءباسپاسوز قىزمەتىنىڭ حابارلاۋىنشا, بەس اۋداندا قولعا الىنعان جۇمىستاردىڭ تابىستى جۇزەگە اسۋىن ءوز باقىلاۋىنا العان ءوڭىر باسشىسى سارىاعاش, كەلەس اۋداندارىن ارالادى.
ساپاردى جىبەك جولى اۋىلدىق وكرۋگىندەگى «بەس جۇلدىز» بالا باقشاسىنىڭ جۇمىسىمەن تانىسۋدان باستاعان وبلىس اكىمى 450 بالانى تاربيەلەپ وتىرعان مەكتەپكە دەيىنگى ءبىلىم مەكەمەسىنىڭ ۇجىمىمەن سويلەسىپ, قۇرىلتايشىسىمەن كەزدەستى.
بۇدان كەيىن ءوڭىردىڭ اۋىل شارۋاشىلىعى سالاسىنا ايتارلىقتاي ۇلەس قوسىپ جاتقان ونەركاسىپتىك جىلىجاي كەشەنىمەن تانىستى. جىبەك جولى اۋىلدىق وكرۋگى, زورتوبە ەلدى مەكەنىندە ورنالاسقان كەشەننىڭ اۋماعى – 12,85 گا.
وزىق تەحنولوگيالاردى پايدالانا وتىرىپ كوشەت وسىرەتىن جىلىجايدا جىلىنا 12 ميلليون دانا كوشەت ساتىلىمعا شىعارىلادى.
600 ميلليون تەڭگە ينۆەستيتسيا سالىنعان نىساندا كاسىپكەر ءوز قارجى ەسەبىنەن اۆتوماتتاندىرىلعان باسقارۋ جۇيەسى بار توبەدەن بۇركۋ ارقىلى سۋعارۋ ادىسىمەن ورتالىقتاندىرىلعان جىلىتۋ قازاندىعىن ورناتقان.
مۇنان سوڭ جارتى توبە اۋىلدىق وكرۋگى, ىنتىماق ەلدى مەكەنىندەگى كەلەس وزەنىنىڭ بويىنداعى كوپىردىڭ قۇرىلىسىمەن تانىسقان ومىرزاق شوكەەۆ ۇزىندىعى 60 مەتر, ەنى 10 مەتر بولاتىن جوبانىڭ ساپاسىن تەكسەردى.
كەلەس اۋدانىنا جاساعان ساپار بارىسىندا ءوڭىر باسشىسى اباي اۋىلىندا «اۋىل – ەل بەسىگى» باعدارلاماسى اياسىندا جوندەۋدەن وتكەن تۇرار رىسقۇلوۆ كوشەسىنىڭ جۇمىسىمەن جانە قوشقاراتا اۋىلدىق وكرۋگى, جامبىل ەلدى مەكەنىندەگى № 29 جالپى ورتا مەكتەبىنىڭ قۇرىلىسىمەن تانىستى.
قۇرىلىسى بىلتىر باستالعان مەكتەپ 2021 جىلدىڭ تامىز ايىندا اياقتالادى دەپ جوسپارلانىپ وتىر.
اتاپ وتەيىك, تۇركىستان وبلىسى اۋداندارى مەن ەلدى مەكەندەرىنىڭ دامۋىنا وڭ سەرپىن بەرەتىن 67 جوبا قولعا الىنعان. 10 جوبا ۇكىمەت ماقۇلداۋىنان ءوتىپ, 2021 جىلى ءتيىستى قاراجات بولىنەتىن بولدى.
بۇدان بولەك, وبلىستىق بيۋدجەت ەسەبىنەن 40 ميلليارد تەڭگە قارالىپ, 57 جوبا ىسكە اسىرىلىپ جاتىر. ول قارجىنىڭ 30 ميلليارد تەڭگەسى بيىل بولىنسە, 10 ميلليارد تەڭگەسى كەلەسى جىلى وسى جوبالاردى اياقتاۋعا بولىنەدى.