قازاقستاندا TABYS ءموبيلدى قوسىمشاسى ءساتتى ىسكە قوسىلدى. ونىڭ كومەگىمەن قارجىلىق رەسۋرسى مەن بىلىمىنە قاراماستان كەز كەلگەن ادام جاھاندىق قور نارىعىنداعى قۇندى قاعازدارعا ينۆەستيتسيا سالا الادى. ءبىرىنشى كۇنى-اق قوسىمشانى 300-گە تارتا ادام جۇكتەگەن.
TABYS قوسىمشاسى ارقىلى قازاقستاندىقتار بيرجالىق نوتالاردىڭ كەڭ سپەكترىندە (ETN) اقش دوللارىندا ازداعان سومامەن ينۆەستيتسيا سالىپ, ءوز جيناعىن ەسەلەپ نەمەسە ءارتاراپتاندىرىپ, جاھاندىق نارىقتارعا جولى اشىلادى.
بيرجالىق نوتالار – بازالىق بيرجالىق قورعا (ETF) قولجەتىمدىلىكتى قامتاماسىز ەتەتىن قۇندى قاعازدار, ولار اكتسيالاردىڭ كەڭ اۋقىمدى سپەكترىنە, وبليگاتسيالارعا نەمەسە كەيبىر جاعدايدا تاۋارلارعا ينۆەستيتسيالانادى. ايتالىق, التىننىڭ قۇنىن قاداعالايتىن بيرجالىق نوتالار «التىن» ETF-كە ينۆەستيتسيالانادى (جەكە ادامداردىڭ التىنىن لوندونداعى قويمالاردا ساقتايتىن قور). ەگەر التىن قىمباتتاسا نەمەسە ارزانداسا, تيىسىنشە «التىن» بيرجالىق نوتالارىنىڭ باعاسى دا قىمباتتايدى نەمەسە ارزاندايدى.
قازاقستاندىقتار ءۇشىن كەلەسى كورسەتكىشتەرگە بايلانىستى بيرجالىق نوتالاردىڭ 9 ءتۇرى قولجەتىمدى بولادى. اتاپ ايتقاندا, التىن, كاپيتاليزاتسياسى جوعارى امەريكالىق 500 كومپانيانىڭ اكتسيالارى, كىرىسى جوعارى اقش كومپانيالارىنىڭ وبليگاتسيالارى, Brent ماركالى مۇناي, اقش قازىناشىلىعىنىڭ ۆەكسەلدەرى, اقش اكتسيالارىنىڭ ديۆيدەندتتەرى, اقش-تىڭ كىرىستىلىگى جوعارى كورپوراتيۆتى وبليگاتسيالارى, دامۋشى نارىقتارداعى كومپانيالاردىڭ اكتسيالارى, دامۋشى نارىقتارداعى كومپانيالاردىڭ وبليگاتسيالارى.
TABYS — كەز كەلگەن قازاقستاندىققا قاراپايىم جانە ءتيىمدى جولمەن قۇندى قاعازداردى ساتىپ الۋ جانە ساتۋدى باستاۋعا مۇمكىندىك بەرەتىن قولدانۋعا ىڭعايلى ءارى سەنىمدى قوسىمشا. قوسىمشانىڭ ەرەكشەلىگى سول, قۇندى قاعازداردىڭ قولجەتىمدىلىگى مەن بيرجالىق نوتالاردى ساتىپ الۋ تەتىكتەرى قاراپايىم. بيرجالىق نوتالاردىڭ يەسى پايىزدىق كىرىستى (ەگەر بازالىق ETF ETN ۇستاۋشىلارىنا تولەنەتىن ديۆيدەنتتەردى وتەسە), بولماسا قۇندى قاعازداردىڭ باعاسىنىڭ وسىمىنەن تۇسكەن كىرىستى الا الادى. TABYS قوسىمشاسىنداعى بارلىق وپەراتسيا بانك كليەنتىنىڭ باعامى بويىنشا دوللارمەن جۇرگىزىلەدى, سونداي-اق كىرىسكە سالىق سالىنبايدى.
TABYS قوسىمشاسىنىڭ ينتەرفەيسى مەن قارجىلىق ءبىلىمى از قولدانۋشىعا تۇسىنىكتى قۇرىلىمى بار. 2021 جىلدىڭ 30 ماۋسىمىنا دەيىن TABYS ارقىلى قۇندى قاعازداردى ساتىپ الۋ جانە ساتۋ كەزىندە كەلىسىم ءۇشىن كوميسسيا الىنبايدى (قولدانۋشىنىڭ بانكى الاتىن كوميسسيادان باسقا). وسى مەرزىمنەن كەيىن ءاربىر ساتىپ الۋ نەمەسە ساتۋ بويىنشا جاسالعان كەلىسىمنەن 0,5% مولشەرىندە نەمەسە كەمىندە 100 تەڭگەدەن كوميسسيا الىنادى.
2020 جىلى ماركەتينگتى اگەنتتىكتىڭ قازاقستاندا جۇرگىزگەن زەرتتەۋىنە سايكەس, ساۋالداماعا قاتىسقانداردىڭ 60%-ى قور نارىعىندا قۇندى قاعازدارعا ءوز جيناعىن سالۋعا دايىن ەكەنىن بىلدىرگەن, ال 15%-ى ينۆەستيتسيا سالۋ تاجىريبەسى بارىن جەتكىزىپ, كەلەشەكتە قۇندى قاعازداردى ساتىپ الۋعا قىزىعۋشىلىق تانىتقان. جالپى كاپيتال نارىعى دامىعان ەلدەردە قۇندى قاعازدارعا ينۆەستيتسيا سالاتىن حالىقتىڭ ۇلەسى 50%-دان اسادى.