تايلاند استاناسى بانگكوكتا وپپوزيتسيا وكىلدەرىنە شابۋىل جاسالىپ, ءۇش ادام جاراقات الدى. بۇل تۋرالى Itar-tass.com حابارلادى.
تايلاند پوليتسياسىنىڭ مالىمدەۋى بويىنشا, موتوتسيكلعا مىنگەن بەلگىسىز بىرەۋ وپپوزيتسيونەرلەر باسىپ العان قارجى مينيسترلىگىنىڭ الدىندا ەرەۋىلشىلەرگە قاراي وق جاۋدىرعان. سونىڭ سالدارىنان ءبىر ادام جاراقات الدى. ءبىراز ۋاقىتتان سوڭ ءدال وسى مەكەمە ماڭىندا جارىلىس ورىن الىپ, تاعى ەكى ادام جاراقات العان.
پرەمەر-ءمينيستردىڭ ورىنباسارى سۋراپونگ توۆيچاكچايكۋن ۇكىمەت باسشىسى ينگلاك چيناۆاتتىڭ بۇدان بىلاي وپپوزيتسيا جەتەكشىسى سۋتەپ تاۋگسۋبانمەن كەزدەسپەيتىنىن مالىمدەدى. ول سونداي-اق سۋتەپ تاۋگسۋباننىڭ كوپ ۇزاماي تۇتقىندالاتىنىن جانە وپپوزيتسيا جەتەكشىلەرىنە قارسى تايلاند زاڭىنا سايكەس ەڭ قاتاڭ شارالار قابىلداناتىنىن العا تارتتى.
ايدار ورىسباەۆ.
دەرەككوز: Itar-tass.com