قىتاي حالىق رەسپۋبليكاسى ۋحان قالاسىنداعى ۋنيۆەرسيتەت ارحەولوگتارى ەلدىڭ شىعىسىنداعى انحوي پروۆينتسياسىندا شامامەن 4,5 مىڭ جىلدىق تاريحى بار كونە قالانىڭ ورنىن تاپتى. بۇل تۋرالى يتار-تاسس حابارلادى.
ارحەولوگتار قالانىڭ تىك تۇرعان دۋالدارى مەن قازىلعان ورلارىن, سونداي-اق بىرنەشە تۇرعىن ءۇيدىڭ ىزدەرى مەن تۇرمىستىق زاتتاردى انىقتاعان. قازبا جۇمىستارى بارىسىندا توپىراق استىنان بۇعىنىڭ ءمۇيىزى, باس سۇيەكتىڭ قاڭقاسى, بيداي مەن كۇرىشتىڭ تۇقىمدارى تابىلدى. عالىمدار بۇلاردى حان اۋلەتى (ب.د.د. 206 ج. – ب.د. 220 ج.) بيلەگەن كەزەڭدەگى بۇيىمدارعا جاتقىزىپ وتىر.
«مۇنىڭ ءبارى سول ەسكى زامانداردا بۇل وڭىرلەردە قايناعان تىرشىلىكتىڭ بولعانىن كورسەتەدى», – دەدى ۋحان قالاسىنداعى ارحەولوگيا ۋنيۆەرسيتەتىنىڭ پروفەسسورى حە سياولين (سۋرەتتە).
ايدار ورىسباەۆ.
دەرەككوز: Itar-tass.com