باتىس قازاقستان وبلىسىنىڭ مەملەكەتتىك قىزمەتشىلەرى «قايىرىمدىلىق جاساساڭ, قايىرىمىن ءوزىڭ كورەسىڭ» اتتى قايىرىمدىلىق اكتسياسىن باستادى. اكتسيا اياسىندا 14 ملن تەڭگەدەن استام قاراجات جينالدى دەپ حابارلايدى Egemen.kz.
جينالعان قاراجاتقا كۇندەلىكتى قاجەت ازىق-ت ۇلىك تۇرلەرى ساتىپ الىنىپ, وڭىردەگى كوپبالالى جانە از قامتىلعان 1100 وتباسىنا تاراتىلاتىن بولادى. ءبىر ەرەكشەلىگى, قايىرىمدىلىق اياسىندا جاساقتالعان ازىق-ت ۇلىك سەبەتىنە تەك قانا باتىس قازاقستان وبلىسى اۋماعىندا وندىرىلگەن ونىمدەر ەنگەن ەكەن.
اكتسيا اق جايىق وڭىرىندەگى مەملەكەتتىك قىزمەتشىلەردىڭ باستاماسىمەن قولعا الىنعان بولاتىن. بيىلعى پاندەميانىڭ سەبەبىنەن جاڭاجىلدىق جيىن-تويدى, كورپوراتيۆتىك كەشتەردى وتكىزۋدەن باس تارتىپ, وعان كەتەتىن قاراجاتتى مۇقتاج جاندارعا تاراتساق دەگەن ويدى ورال قالاسى مەن اۋداندارداعى مەملەكەتتىك مەكەمە قىزمەتكەرلەرى دە قولداعان. ودان بولەك, رەسپۋبليكالىق باعىنىستاعى اۋماقتىق دەپارتامەنتتەر مەن ينسپەكتسيا وكىلدەرى, قۇقىق قورعاۋ ورگاندارى قىزمەتكەرلەرى دە قايىرىمدىلىق اكتسياسىنا قۋانا قوسىلعان.
سوڭعى مالىمەتكە قاراعاندا ورال قالاسىنداعى مەكەمە قىزمەتكەرلەرىنەن جينالعان قارجى 5 ملن 600 مىڭ تەڭگەگە جەتكەن. وبلىستىڭ 12 اۋدانىنان 8 ملن 450 مىڭ تەڭگە قاراجات جينالعان. بۇل قارجىعا الىنعان ازىق-ت ۇلىك جيىنتىعى شىنايى مۇقتاج وتباسىلارعا تاراتىلادى. ورال قالاسىنداعى «ەل ىرىسى» كوممۋنالدىق بازارىندا بۇگىن وبلىس ورتالىعىندا تۇراتىن كوپبالالى جانە از قامتىلعان وتباسى وكىلدەرى قايىرىمدىلىق كومەگىن الا باستادى.