جەتى وبلىستىڭ تۇرعىندارىنا الىس ساپاردان باس تارتۋعا كەڭەس بەرىلدى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى حابارلادى.
«الماتى جانە شىعىس قازاقستان وبلىستارىندا اۋا رايىنىڭ قولايسىزدىعىنا بايلانىستى بىرقاتار اۆتوموبيل جولىندا اۆتوكولىك قوزعالىسىنا (قالىڭ قار, بۇرقاسىن, كورىنۋدى شەكتەۋ) شەكتەۋلەر ەنگىزىلدى. باتىس قازاقستان, قاراعاندى, قوستاناي, پاۆلودار جانە سولتۇستىك قازاقستان وبلىستارىندا اۋا تەمپەراتۋراسى 20 گرادۋستان تومەن بولادى دەپ بولجانادى.
ءىىم وسى وڭىرلەردىڭ تۇرعىندارىنا اۆتوجولدار بويىنشا جول جۇرۋدەن باس تارتۋدى جانە اۋا رايى مەن جولداردىڭ جاي-كۇيى تۋرالى حابارلامالاردى باقىلاۋدى ۇسىنادى», - دەلىنگەن حابارلامادا.