رەسەيدىڭ «چەمپيونات» ينتەرنەت-پورتالى 2020 جىلدىڭ جازىنداعى فۋتبولدان ايتۋلى مەملەكەتتىڭ پرەمەر-ليگاسىندا جاسالعان ەڭ ۇزدىك ترانسفەرلەردىڭ ءتىزىمىن جاريالادى, دەپ حابارلايدى Egemen.kz.
«توپ-10» ويىنشىنىڭ قاتارىندا باقتيار زاينۋتدينوۆ تا بار. بۇعان دەيىن «روستوۆتا» ونەر كورسەتكەن جامبىل فۋتبول مەكتەبىنىڭ تۇلەگى ۇستىمىزدەگى جىلدىڭ تامىز ايىندا تسسكا-نىڭ جەيدەسىن كيدى. ول كەزدەگى ونىڭ ترانسفەرلىك قۇنى – 2 ميلليون ەۆرونى قۇرادى. ماسكەۋگە كەلگەن بەتتە باقتيار بىردەن ورەلى ونەرىمەن كوزگە ءتۇسىپ, كوپشىلىك نازارىن وزىنە اۋداردى.
ەڭ باستىسى, جەرلەسىمىز امبەباپ ويىنشى رەتىندە ءبىراۋىزدان مويىندالدى. اسكەريلەر كلۋبىنىڭ نامىسىن قورعاعالى بەرى زاينۋتدينوۆ التى بىردەي پوزيتسيادا ويناپ ۇلگەردى. قازاقستان ۇلتتىق قۇراما كومانداسىنىڭ جارتىلاي قورعاۋشىسى تسسكا-نىڭ ساپىندا 14 رەت جاسىل الاڭعا شىعىپ, قارسىلاستار قاقپاسىن ءبىر مارتە ءدال كوزدەدى.
سونىمەن قاتار, ۇزدىك ترانسفەرلەر تىزىمىنە گەرمان ونۋگحا («تامبوۆ»), دانيل فومين («دينامو»), حۆان ين بەم («رۋبين»), دجوردجە دەسپوتوۆيچ («رۋبين»), رەزيۋان ميرزوۆ («حيمكي»), دەنيس گلۋشاكوۆ («رۋبين»), ارتەم تيموفەەۆ («احمات»), كەنتو حاسيموتو («روستوۆ») جانە دانيل لەسوۆوي («ارسەنال») سىندى ويىنشىلار ەنىپ وتىر.