شىمكەنت پوليتسەيلەرى قالاداعى كوپپاتەرلى ۇيلەردىڭ ءبىرىنىڭ كىرەبەرىسىندە ايەلدى زورلاماقشى بولعان كۇدىكتىنى ۇستادى. بۇل تۋرالى قر ىشكى ىستەر مينيسترلىگىنىڭ رەسمي وكىلى ءنۇردىلدا وراز ءمالىم ەتتى, دەپ حابارلايدى Egemen.kz
«پوليتسيا قىزمەتكەرلەرى كۇدىكتىنىڭ اتى-ءجونىن انىقتاۋ مەن ۇستاۋ ءۇشىن بىرقاتار شارا جاسادى. سونىڭ ناتيجەسىندە كەشە كۇدىكتى ۇستالدى. ول 1985 جىلى تۋعان جەرگىلىكتى تۇرعىن بولىپ شىقتى. ودان بولەك, تەرگەۋ امالدارىن جۇرگىزۋ بارىسىندا كۇدىكتىنىڭ جابىرلەنۋشىنىڭ قالتاسىنان 8000 تەڭگەگە جۋىق اقشا ۇرلاعانى انىقتالدى. ول ءوز كىناسىن تولىق مويىندادى», - دەدى ءنۇردىلدا وراز.
قازىرگى ۋاقىتتا كۇدىكتى شىمكەنت قالاسى پوليتسيا دەپارتامەنتىنىڭ ۋاقىتشا ۇستاۋ اباقتىسىنا قاماۋلى.