اتىراۋدا جىل باسىنان بەرى 24 جۇرگىزۋشى كولىگىنە جالعان ءنومىر تاعىپ جۇرگەن, دەپ حابارلايدى Egemen.kz.
اتىراۋ پاترۋلدىك پوليتسيا باتالونىنىڭ كومانديرى نۇرلان سارسەنباەۆتىڭ مالىمەتىنشە, جىل باسىنان بەرى جالعان نەمەسە قولدان جاسالعان مەملەكەتتiك تiركەۋ نومiرىمەن, سونداي-اق مەملەكەتتiك تiركەۋ ءنومiر بەلگiلەرiنىڭ ءتۇرىن وزگەرتەتىن, جاسىراتىن قۇرىلعىلار مەن ماتەريالدارمەن جابدىقتالعان كولiكتى باسقارعان 24 جۇرگىزۋشى انىقتالدى. بارلىعى جاۋاپكەرشىلىككە تارتىلدى.
«جاقىندا گەولوگ شاعىن اۋدانىندا رەسەي فەدەراتسياسىنان اكەلىنگەن «Toyota Camry» اۆتوكولىگى توقتاتىلدى. تەكسەرۋ كەزىندە كولىكتىڭ مەملەكەتتىك ءنومىرى جالعان ەكەنى انىقتالدى», دەيدى پاترۋلدىك پوليتسيا باتالونىنىڭ كومانديرى نۇرلان سارسەنباەۆ.
كولىكتى باسقارعان 24 جاستاعى جۇرگىزۋشىگە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 590-بابىنىڭ 4-بولىمىمەن (كورىنەۋ جالعان نەمەسە قولدان جاسالعان مەملەكەتتىك تىركەۋ ءنومىرى بەرگىلەرى بار كولىك قۇرالىن باسقارعان) اكىمشىلىك حاتتاما تولتىرىلىپ, جيناقتالعان ءىس-قۇجاتتار سوتقا جولداندى.
جاقىندا سوت شەشىمىمەن بۇل ازامات ءبىر جىل مەرزىمگە جۇرگىزۋشى قۇقىعىنان ايىرىلدى. سونداي-اق بۇل باپتىڭ سانكتسياسىندا 20 ايلىق ەسەپتىك كورسەتكىش كولەمىندە ايىپپۇل سالۋ دا كوزدەلگەن.