پاۆلودار وبلىسىندا تاس جولداعى جول-كولىك وقيعاسى سالدارىنان بەس ادام قازا تاپتى, دەپ حابارلايدى Egemen.kz Polisia.kz سايتىنا سىلتەمە جاساپ.
2020 جىلعى 20 جەلتوقساندا ساعات 13.05 شاماسىندا «پاۆلودار-قىزىلوردا» رەسپۋبليكالىق ماڭىزعا يە تاس جولىنىڭ 201 شاقىرىمىندا «Subaru Outback», «Lada Granta» جانە «توyوtا Cاmry» كولىكتەرىنىڭ قاتىسۋىمەن جول-كولىك وقيعاسى ورىن الدى. جول-كولىك وقيعاسى سالدارىنان «Lada Granta» اۆتوكولىگىندە بولعان بەس ادام (جۇرگىزۋشى مەن ءتورت جولاۋشى, ولاردىڭ بىرەۋى جاس بالا) وقيعا ورنىندا قازا تاپتى.
وقيعا ورنىندا جەدەل-تەرگەۋ توبى جۇمىس ىستەپ جاتىر. وقيعانىڭ ءمان-جايى مەن قازا تاپقان ادامداردىڭ جەكە باستارى انىقتالۋدا. ءىىم اۋا رايىنىڭ قولايسىزدىعىنا بايلانىستى الىس ساپارلاردان باس تارتۋعا جانە اۋا رايى مەن تاس جولداردىڭ جاي-كۇيى تۋرالى حابارلامالارعا دەن قويۋعا كەڭەس بەرەدى. پوليتسەيلەر جۇرگىزۋشىلەردى ساق بولۋعا جانە جولدىڭ ءجۇرۋ بولىگىندە جاياۋ جۇرگىنشىنى بايقاعان كەزدە مۇقيات بولۋعا شاقىرادى.
قولايسىز اۋا رايى اۆتوكولىك جۇرگىزۋشىلەرىنىڭ جولداعى جاعدايلارعا نازارىن بارىنشا شوعىرلاندىرۋىن, سونداي-اق قىس مەزگىلىندە شينالارىن اۋىستىرا وتىرىپ, كولىكتى جولداعى جانە مەتەورولوگيالىق جاعدايلارعا تيىسىنشە ازىرلەۋدى تالاپ ەتەدى. قيىن جاعدايعا تاپ بولعان جول قوزعالىسىنىڭ بارلىق قاتىسۋشىلارى 102 ءنومىرى بويىنشا ىشكى ىستەر ورگاندارىنىڭ بولىنىستەرىنە كومەك الۋ ءۇشىن تاۋلىك بويى حابارلاسا الادى.