نۇر-سۇلتان ساياباعىندا جۇگىرۋدەن جارىس وتەدى

بەلگىلەنگەن مارشرۋت بويىنشا جۇگىرۋ بارلىق جاس ساناتى ءۇشىن بىردەي – 10 كم. ءار قاتىسۋشى جەكە ءوز ستارتىمەن جۇگىرەدى. ۋاقىت ارالىعى – كەم دەگەندە 30 سەكۋند.

«50-59 جانە 60+ جاس توبىنداعى قاتىسۋشى ەرلەر مەن ايەلدەر جارىستى تاڭعى 07:00-دەن, 40-49 جاستاعىلار تاڭعى 08:30-دان, 30-39 جاس ارالىعىنداعىلار 10:00-دەن, 18-29 جاستاعى قاتىسۋشىلار تاڭعى 11:00-دەن باستايدى. توپ بوپ جۇگىرۋگە تىيىم سالىنادى. ەڭ از ارا قاشىقتىق – 5 مەتر. قاتىسۋشىلار سانى شەكتەۋلى, ەڭ كوبى – 300 ادام», دەلىنگەن حابارلامادا.

جەڭىمپازدار مەن جۇلدەگەرلەردى ماراپاتتاۋ 28-30 جەلتوقساندا نۇر-سۇلتان قالالىق ترياتلون فەدەراتسياسى (قابانباي باتىر 41ا مەكەنجايى بويىنشا) كەڭسەسىندە ساعات 10:00-دەن 17:00-گە دەيىن ونلاين وتەدى.

ءىس-شارانى دەنە شىنىقتىرۋ جانە سپورت باسقارماسى, نۇر-سۇلتان قالاسى اكىمدىگىنىڭ «سپورتتىق-بۇقارالىق ءىس-شارالاردى وتكىزۋ ديرەكتسياسى» كمم, نۇر-سۇلتان قالاسىنىڭ «ترياتلون فەدەراتسياسى» قب, «نۇر-سۇلتان قالاسىنىڭ جەڭىل اتلەتيكا فەدەراتسياسى» قب, «قازاقستان ۆەلوسيپەد سپورتى فەدەراتسياسى» رقب نۇر-سۇلتان قالالىق فيليالى ۇيىمداستىرىپ جاتىر.

بارلىق سۇراقتار بويىنشا 8 777 555 5707 نومىرىنە حابارلاسۋعا بولادى.