دەنساۋلىق ساقتاۋ ءمينيسترى الەكسەي تسوي كوروناۆيرۋسقا قارسى كۇرەسكە ۇلەس قوسقان ۆولونتەرلەرگە العىس حات تابىستادى. ۆولونتەرلەر جىلىنىڭ جابىلۋىنا ارنالعان ونلاين ماراپاتتاۋ راسىمىنە COVID-19 پاندەمياسى كەزىندە دارىگەرلەر مەن مەديتسينالىق قىزمەتكەرلەرگە كومەكتەسكەن ەرىكتىلەر قوزعالىسىنىڭ وكىلدەرى, كاسىپكەرلەر مەن مەديتسينالىق ستۋدەنتتەر قاتىستى.
«سىزدەر وتە قيىن كەزدە جاناشىرلىق پەن قامقورلىق تانىتىپ, كومەككە مۇقتاج جاندارعا قولۇشىن سوزدىڭىزدار. ءاربىرىڭىزدى ماقتان تۇتامىن, يگى ءىس اتقارىپ, جاقسى باستاما كوتەرگەن ءار قازاقستاندىقپەن ماقتانامىز. سىزدەر ارنايى ۋاقىت ءبولىپ, ءدارى-دارمەك پەن تاماق تاراتتىڭىزدار, اۋرۋحاناعا كومەكتەسىپ, ناۋقاستارعا ءۇمىت سىيلادىڭىزدار», دەدى مينيستر.
دەنساۋلىق ساقتاۋ ءمينيسترى COVID-19-عا قارسى كۇرەسكە قاتىسىپ, دارىگەرلەرگە كومەكتەسىپ, تۇسكى اس ۇيىمداستىرعان, مۇقتاج ادامداردى ازىق-ت ۇلىكپەن قامتاماسىز ەتكەندەردىڭ بارلىعىنا العىسىن ءبىلدىردى. ءمينيستردىڭ پىكىرىنشە, بۇل – شىنايى ءپاتريوتيزمنىڭ ۇلگىسى.
«بۇگىن قازاقستانداعى ۆولونتەرلەر قوزعالىسىنىڭ از عانا بولىگىنە العىس حات تابىستايمىز. ەگەر مۇمكىندىك بولسا, مەن ءار ەرىكتىنىڭ قولىن الىپ, العىس ايتار ەدىم. ارقايسىڭىزعا راقمەت», دەدى ۆەدومستۆو باسشىسى.
قوعام قايراتكەرى, «DA-VINCI» تۇزەتۋ ورتالىعىنىڭ جەتەكشىسى جانە ۆولونتەر مەرۋەرت بايزيروۆا مينيسترگە قولداۋى ءۇشىن العىسىن ءبىلدىردى. كارانتين كەزىندە ول جەتەكشىلىك ەتكەن ەرىكتىلەر توبى ەلوردالىق ينفەكتسيالىق اۋرۋحانانىڭ مەديتسينالىق قىزمەتكەرلەرىنە تەگىن تاماق ۇيىمداستىردى, قىمبات ءدارى-دارمەك ساتىپ الدى, ءدارى-دارمەك پەن جقق تاسىمالداۋدى ۇيىمداستىردى, مەديتسينا قىزمەتكەرلەرىن كولىك تاسىمالىمەن قامتاماسىز ەتتى.
«250 ادام بىرىگىپ, وتباسىلارعا كومەكتەسۋ ءۇشىن قاراجات جيناي باستادى. ءبىزدىڭ توپ اي سايىن 300 مىڭ تەڭگەدەن جيناپ, ايىنا ءبىر ناۋقاس بالاعا كومەكتەستى. سونداي-اق كوروناۆيرۋستان زارداپ شەككەن دارىگەرلەردى نازاردان تىس قالدىرمادىق», دەدى مەرۋەرت بايزيروۆا.
ۆولونتەرلەر جىلىنا وراي جانە پاندەمياعا قارسى كۇرەسكە قوسقان ۇلەسى ءۇشىن 100-دەن استام ەرىكتىگە دەنساۋلىق ساقتاۋ ءمينيسترىنىڭ العىس حاتى تابىستالدى.
ولاردىڭ ىشىندە Medsupportkz نەگىزىن قالاۋشى اقمارال تۇرسىنوۆا اقپاراتتىق قولداۋ ۇيىمداستىردى, قازاقستان, ەۋروپا ەلدەرى, اقش جانە جاپونيادان كەلگەن 100 عالىم مەن دارىگەردىڭ باسىن قوستى. Medsupportkz پورتالى COVID-19 بويىنشا عىلىمي جۇمىستاردى ورىس جانە قازاق تىلدەرىنە اۋداردى, حالىقتىڭ COVID-19-عا قاتىستى ءتۇرلى سۇراقتارىنا جاۋاپ بەردى.
«مەديتسينا قىزمەتكەرلەرىنە تۇسكى اس» جوباسىنىڭ نەگىزىن قالاۋشى ايسۇلۋ تۇستىقباەۆانىڭ كومانداسى قايىرىمدىلىق كونتسەرتتەر ارقىلى قاراجات جينادى, ال جينالعان اقشاعا كافە مەن مەيرامحانالاردان تۇسكى اسقا تاپسىرىس بەرىپ, COVID-19-عا قارسى كۇرەسكە تىكەلەي تارتىلعان اۋرۋحانالارعا تاماق جەتكىزدى. «Teaching For Heroes» نەگىزىن قالاۋشى يليا كان ونلاين پلاتفورمادا دارىگەرلەردىڭ بالالارىن وقىتۋعا ارنالعان اعىلشىن ءتىلى ساباقتارىن ۇيىمداستىردى. «تۇسكى استىڭ» نەگىزىن قالاۋشى راسيما تەمىرباەۆانىڭ كومانداسى قاراجات جيناپ, زەينەتكەرلەردى تۇسكى اسپەن قامتاماسىز ەتتى, مۇقتاج ادامدارعا ازىق-تۇلىك ساتىپ الدى. «شۇعىلا» قوعامدىق قورىنىڭ نەگىزىن قالاۋشى مەيىرحان ءابدىراحمانوۆ ەرىكتىلەردىڭ 4 مىڭ وتتەگى كونتسەنتراتورىن ساتىپ الۋ ءۇشىن قاراجات جينادى. كاسىپكەرلەر, جاناشىر ازاماتتار مەملەكەتتىك ورگانداردىڭ قولداۋىمەن 450 ميلليون تەڭگە جينادى. «Aqjurek-2020» جوباسىنىڭ نەگىزىن قالاۋشى اجار جاندوسوۆانىڭ كومانداسى Covid-19-عا قارسى كۇرەسكە تارتىلعان دارىگەرلەرگە جقق, ماسكا مەن قولعاپ ساتىپ الۋعا جانە جەتكىزۋگە قاراجات جينادى. «GREEN AUTOSERVICE» باس ديرەكتورى ەرلان نۇرپەيىسوۆ پاندەميا كەزىندە ەكى جەكە كلينيكانىڭ جۇمىسىن ۇيىمداستىردى, ەرىكتىلەردىڭ قىزمەتىن ۇيلەستىردى, جۇكتەردى شوعىرلاندىرىپ, دارىلىك زاتتار مەن پرەپاراتتاردى تاراتتى, تاسىمالدادى. «واد-27» جشس ديرەكتورى ەلەنا كۋزنەتسوۆا ەكى كلينيكاعا 20 ملن تەڭگەدەن استام قارجىعا جەدەل ءدارى-دارمەك جىبەردى. قاراعاندى مەديتسينالىق جوعارى وقۋ ورنىنىڭ بەسىنشى كۋرس ستۋدەنتى دارىن ءابىلجانوۆ كۆي-گە شالدىققان ناۋقاستاردىڭ ءۇيىن ارالاپ, ينەكتسيا جاسادى, ەمدەدى جانە جاعدايىن باقىلادى. الماتى قوعامدىق باقىلاۋ توبىنىڭ ۇيلەستىرۋشىسى سايدا تاۋكەلەۆا گۋمانيتارلىق كومەك ءبولىپ, ءدارىحانا, مەديتسينالىق مەكەمەلەرگە مونيتورينگ جۇرگىزدى جانە حالىق اراسىنداعى كارانتيندىك شارالاردىڭ ساقتالۋىن قاداعالادى.