ەلدى جاستار كوركەيتەدى

تاۋەلسىزدىك مەرەكەسىنە وراي ازاماتتاردى ماراپاتتاۋ راسىمىندە مەملەكەت باسشىسى قاسىم-جومار توقاەۆ الداعى ءتورتىنشى ون جىلدىقتا ءبىزدى جاڭا مىندەتتەر كۇتىپ تۇرعانىنا, ەلىمىزدى ىلگەرى دامىتىپ, ءاربىر ازاماتتىڭ لايىقتى تۇرمىسىن قامتاماسىز ەتۋ قاجەتتىگىنە توقتالدى. «ونى جۇزەگە اسىرۋدىڭ باستى جولى – ءتيىمدى باسقارۋ جۇيەسى», دەپ اتاپ كورسەتتى پرەزيدەنت.

ءبارىمىز بىلەتىندەي, مەملەكەتتىك قىزمەت سالاسىن جاڭعىرتۋعا سوڭعى جىلدارى كوپ كۇش جۇمسالدى. سالاعا جاستاردى كوپ تارتىپ, ولارعا الەۋمەتتىك ليفت, مۇمكىندىكتەر ۇسىنىلدى. ەل ەرتەڭىنە بەي-جاي قارامايتىن ازاماتتارىمىز جاڭا قىزمەتتەرىنە بىلەك سىبانا كىرىستى.

مۇنى دا تاۋەلسىزدىكتى ساقتاۋعا, نىعايتۋعا قوسىلعان ۇلەس دەپ بىلەمىن. ويتكەنى قازىرگىدەي وي جارىستىراتىن زاماندا جاستار بار كۇش-جىگەرى مەن ءبىلىمىن, تاجىريبەسىن ەل يگىلىگىنە جۇمساۋ ارقىلى قازاقستاننىڭ وركەندەۋىنە ءوز ۇلەستەرىن قوسا الادى.

سونىمەن قاتار پرەزيدەنت ء«بىز بۇگىنگى تاڭدا ۇلتتىڭ باستى ستراتەگيالىق رەسۋرسى ادام كاپيتالىنىڭ ساپاسى ەكەنىن بىلەمىز. ءبىلىم, يدەيالار مەن تەحنولوگيالار پروگرەستىڭ تۇپكى قوزعاۋشىسى بولىپ وتىر. سوندىقتان ءبىز ءبىلىم مەن عىلىمدى دامىتۋدىڭ 2025 جىلعا دەيىنگى جاڭا مەملەكەتتىك باعدارلاماسىن ىسكە قوستىق. ول وسى نەگىزگى باعىتتارعا ارنالعان شىعىستاردى ءىجو-ءنىڭ 7%-نا دەيىن كوتەرۋدى قاراستىرادى», دەدى. بۇل دا ەل جاستارى ءۇشىن جاعىمدى جاڭالىق. ويتكەنى عىلىم مەن ءبىلىمى دامىعان ەلدىڭ ەرتەڭى ايقىن. ال وسىنداي ىنتالاندىرۋدى كورگەن سايىن  جاستاردىڭ جاڭانى وقىپ-بىلۋگە نيەتى دە  ارتا تۇسەدى.

قازىرگى كەزدە داميمىن, ءبىلىمىمدى كوتەرەمىن, ءورىسىمدى كەڭەيتەمىن دەگەن ادام­عا بارلىق جاعداي جاسالعان. تەك ەرىنبەي ەڭبەك ەتىپ, تالاپتانۋ كەرەك. ءار ادام ءوزى ءۇشىن وقۋ ارقىلى ەلىنە پايدالى بولا الادى. قازاقستاننىڭ ستۋدەنتتەر اليانسى دا تالاپتى جاستاردى قولداۋعا ءاردايىم ءازىر. ءبىز تالانتتى جاستاردىڭ ورتاسىن قالىپ­تاس­تىرعىمىز كەلەدى. تاۋەلسىزدىكتىڭ تۇعىرلى بولۋى تالانتتى جاستاردىڭ قولىندا.

ءىلياس تۇستىكباەۆ,

قازاقستان ستۋدەنتتەر

اليانسىنىڭ توراعاسى