اتىراۋ وبلىسىندا جەڭىل كولىك اۋدارىلىپ, ەكى ادام مەرت بولدى, دەپ حابارلايدى Egemen.kz
جول اپاتى 19 جەلتوقساندا «يندەر-اتىراۋ» تراسساسىندا بولعان. يندەر اۋدانىنىڭ ىنتىماق اۋىلىندا تۇراتىن 32 جاستاعى جۇرگىزۋشى «پريورا» ماركالى كولىگىمەن اقتاۋ قالاسىنان كەلگەن اپكەسىن 4 بالاسىمەن بىرگە اتىراۋعا جەتكىزۋ ءۇشىن جولعا شىققان ەكەن. بىراق ولار اتىراۋ قالاسىنا دەيىن جەتە المادى. ويتكەنى جولدا كولىك اۋدارىلىپ, جول-كولىك اپاتىنان 32 جاستاعى جۇرگىزۋشى مەن 38 جاستاعى ايەل كوز جۇمدى.
اۋدارىلعان كولىكتەگى ءتورت بالا امان قالدى. قازىر جول اپاتىنا بايلانىستى ساراپتاما تاعايىندالىپ, تەرگەۋ جۇرگىزىلىپ جاتىر.