Kazantsev Group كاسىپكەرلەرگە كومەك كورسەتۋ رەسپۋبليكالىق ورتالىعى حالىقتىڭ قارجىلىق ساۋاتتىلىعىن ارتتىرۋ بويىنشا بىرقاتار الەۋمەتتىك جوبالاردى قولعا الدى, دەپ جازادى Egemen.kz.
ۇسىنىلعان جوبالاردىڭ ىشىندە جۋىق ارادا ىسكە قوسىلاتىنى - "نەسيەلەردى قالاي تەز تولەپ تاستاۋعا بولادى؟" جوباسى, ول 2020 جىلدىڭ 16 جەلتوقسانىندا باستالماق.
وقىتۋ تەگىن, ونلاين فورماتتا, وقىتۋ شەڭبەرىندە 600 مىڭعا جۋىق ادامدى قامتۋ جوسپارلانىپ وتىر. جوباعا 80 ملن. تەڭگە ينۆەستيتسيا قۇيىلعان. كۋرس باعدارلاماسى – نەسيەلەر قالاي جۇمىس ىستەيدى, ادامداردىڭ ءومىرىن قالاي وزگەرتەتىنى, نەسيە بەرگەن كەزدە بانكتەردىڭ سىزدەرگە ايتپاي قالاتىن جايتتەرى تۋرالى بىرقاتار ماسەلەلەردى قامتيدى.
16 جەلتوقساندا ساعات 9:00-دەن باستاپ كەز كەلگەن قازاقستاندىق ازامات https://dohod.me سايتىنا تەگىن كىرىپ, قارجىلىق ساۋاتتىلىعىن ارتتىرا الادى.
ء"بىرىنشى كرەديتتىك بيۋرو" جشس دەرەكتەرىنە قاراعاندا, قازىرگى ۋاقىتتا قازاقستاندا حالىقتىڭ ەكونوميكالىق بەلسەندى بولىگى 9,23 ملن ادامدى قۇرايدى, ونىڭ ىشىندە قولدانىستاعى كرەديتى بار قارىز الۋشىلار سانى – 7,46 ملن., كرەديت الماعانى – 1,77 ملن ادام نەمەسە ەكونوميكالىق بەلسەندى حالىقتىڭ 19%.
بۇل ستاتيستيكادا ادامدار لومباردتاردىڭ جانە باقىلانا المايتىن باسقا دا قارجىلىق قۇرالداردىڭ قىزمەتتەرىن پايدالاناتىنى ەسكەرىلمەگەن. سونداي-اق, بۇل دەرەكتەر قازاقستاندىقتاردىڭ باسىم بولىگىنىڭ تاپقاندارىنان گورى كوبىرەك اقشا جۇمسايتىندىعىن كورسەتەدى.
كرەديتتەردىڭ جارنامالانىپ, تانىمال بولۋى كوپ ادامنىڭ نەسيەگە ۇرىنۋىنا اكەپ سوقتى, قوعامدا قارىز پروبلەماسى جالپىقازاقستاندىق ماسەلەگە اينالدى. سونىڭ سالدارىنان ءبىزدىڭ ەلىمىزدىڭ ازاماتتارىندا كۇتپەگەن شىعىندار مەن فورس-ماجورعا دەپ ارناپ "قيىن جاعداي ءۇشىن جيعان اقشاسى" جوق, ال ستاتيستيكاعا كەلەر بولساق, ءار ادام ومىرىندە 7-10 جىل ىشىندە ءبىر رەت سونداي جاعدايعا تاپ بولادى ەكەن.
"ۇلتتىق ستاتيستيكا بيۋروسى" سايتىنىڭ اقپاراتىنا قاراعاندا, قاراشا ايىندا ورتاشا جالاقى 211 000 تەڭگەنى قۇرادى. بۇل ورتاشا ءمان, ويتكەنى حالىقتىڭ باسىم بولىگىنىڭ جالاقىسى 120 000 تەڭگەگە دەيىنگى سوما.
باستى پروبلەما - قارجىلىق ساۋاتتىلىق بويىنشا بازالىق ءبىلىمنىڭ بولماۋى. ءبىزدىڭ اتا-انامىزعا دا, بىزگە دە اقشانى ۇتىمدى جۇمساۋدى, اقشانى ۇنەمدەۋدى, اقشانى ينۆەستيتسيالاۋدى ۇيرەتكەن جوق, سول سەبەپتى ء بىز دە بالالارىمىزعا بۇل تۋرالى ۇيرەتپەيمىز. مۇنداي ارەكەتسىزدىكتىڭ ناتيجەسى بەلگىلى – حالىقتىڭ كەم دەگەندە 80% نەسيەگە تاۋەلدى.
Kazantsev Group باس ديرەكتورى دميتري كازانتسەۆ وسى جيىن بارىسىندا اقشا جيناي باستاۋ ءۇشىن جوعارى جالاقى قاجەت دەگەن تۇسىنىكتىڭ قالىپتاسىپ قالعانىن, ء ىس جۇزىندە ولاي ەمەس ەكەنىن ايتىپ بەردى.
ءتىپتى جالاقىسى 80-100 مىڭ تەڭگە بولسا دا, ادام اقشا جيناپ, جاقسى سوماعا قول جەتكىزە الادى.
– بىراق ءبىزدىڭ مىندەتىمىز اقشا جيناۋدى ۇيرەتۋ عانا ەمەس, سونىمەن قاتار ونى دۇرىس ينۆەستيتسيالاي الۋ, اقشا قۇر "جاستىقتىڭ استىندا" جاتپاۋعا ءتيىس نەمەسە سوڭعى ۋاقىتتا ءوز جۇمىسىن جانداندىرا تۇسكەن الاياقتاردىڭ نەمەسە پيراميدالاردىڭ قولىنا تۇسپەۋى كەرەك. قازاقستاندىق ازاماتتار جىل سايىن ايتەۋىر ءبىر پايدا بولعان پيراميدالارعا ميللياردتاعان تەڭگە جۇمسايدى, ويتكەنى ولار دۇرىس ينۆەستيتسيالاۋدى بىلمەيدى. ادامدار قولىندا جيعان اقشاسىنىڭ جوق ەكەنىن تۇسىنەدى دە, جاعدايدى بارىنشا تەزدەتىپ تۇزەتۋگە تىرىسادى, اقىرىندا قولىنداعى بارىنان ايىرىلادى. ءبىزدىڭ كوماندا الدىنا ءبىر جىل ىشىندە ەلدەگى وسى جاعدايدى وزگەرتۋ مىندەتىن قويىپ وتىر. ءبىز حالىقتىڭ قارجىلىق ساۋاتتىلىعىن ارتتىرۋ بويىنشا بىرقاتار الەۋمەتتىك جوبالاردى ىسكە قوسامىز".
ءبىر اي بۇرىن Kazantsev Group جاسوسپىرىمدەردى قارجىلىق ساۋاتتىلىققا تەگىن ۇيرەتە باستادى. پيلوتتىق جوباعا 14-19 جاس ارالىعىنداعى 1500 ءجاسوسپىرىم قاتىسۋدا. ولار قارجىلىق ساۋاتتىلىق جانە كاسىپكەرلىك نەگىزدەرى بويىنشا ءبىلىم الۋدا, دەيدى ول.
اتا-انالاردىڭ پىكىرىنشە, بۇل جوبا جاقسى ناتيجە بەرىپ وتىر. اقپان ايىنىڭ باسىندا 10 مىڭعا جۋىق ءجاسوسپىرىمدى وقۋعا توپتاستىرىپ جيناۋ جوسپارلانۋدا.