بۇگىن ۆەدومستۆوارالىق كوميسسيانىڭ ءوتىرىسىندا بىلىم بەرۋ ساپاسىن قامتاماسىز ەتۋ ماقساتىندا, ءبىلىم جانە عىلىم مينيسترلىگىنىڭ ۇسىنىسى بويىنشا, سونداي-اق قوعامنىڭ پىكىرىن ەسكەرە وتىرىپ, بىرقاتار شەشىم قابىلداندى, دەپ حابارلايدى Egemen.kz.
ۆاك شەشىمى بويىنشا وقۋ جىلىنىڭ III توقسانىنان باستاپ ءبىتىرۋشى سىنىپتار ءۇشىن (9,11,12 سىنىپتار) سانيتارلىق-ەپيدەميولوگيالىق تالاپتاردى ساقتاي وتىرىپ, ارالاس وقىتۋ (پاندەردىڭ 70%-ىن – ءداستۇرلى فورماتتا, 30%-ىن – قاشىقتان) قاراستىرىلادى.
وقۋ جىلىنىڭ III توقسانىنان باستاپ مەكتەپ وقۋشىلارىنىڭ بىلىمىندەگى ولقىلىقتاردىڭ ورنىن تولتىرۋ ماقساتىندا ساباقتان تىس ۋاقىتتا 5 ادامنان اسپايتىن توپتاردا جەكە كونسۋلتاتسيا ۇيىمداستىرىلادى.
II سەمەستردەن باستاپ كوللەدجدەر مەن جوعارى وقۋ ورىندارىنىڭ ءبىرىنشى كۋرس ستۋدەنتتەرىن ارالاس وقىتۋ قايتا باستالادى.
ەسكە سالا كەتەيىك, بۇعان دەيىن قازاقستاندا 25 جەلتوقساننان باستاپ 5 قاڭتارعا دەيىن شەكتەۋ شارالارى كۇشەيتىلەتىنىن حابارلاعانبىز.