وبلىس ورتالىعىندا «يننوۆاتسيا – بولاشاقتىڭ كۇش-قۋاتى» اتتى حالىقارالىق يننوۆاتسيالىق فورۋم بولىپ ءوتتى. فورۋمدا وتاندىق جانە شەتەلدىك كومپانيا وكىلدەرى, عالىمدار مەن ونەرتاپقىشتار باسقوستى. قاتىسۋشىلار قازىرگى جاھاندىق ماسەلەلەر «جاسىل ەكونوميكاعا» كوشۋ مەن جاڭعىرتىلمالى ەنەرگەتيكانى دامىتۋ جايلارىن تالقىلادى. ەلىمىزدىڭ وبلىستارىنان, رەسەيدىڭ التاي, ومبى, توم, ءنوۆوسىبىر وڭىرلەرىنەن, باشقۇرتستاننان دەلەگاتسيالار قاتىستى.
وبلىس ورتالىعىندا «يننوۆاتسيا – بولاشاقتىڭ كۇش-قۋاتى» اتتى حالىقارالىق يننوۆاتسيالىق فورۋم بولىپ ءوتتى. فورۋمدا وتاندىق جانە شەتەلدىك كومپانيا وكىلدەرى, عالىمدار مەن ونەرتاپقىشتار باسقوستى. قاتىسۋشىلار قازىرگى جاھاندىق ماسەلەلەر «جاسىل ەكونوميكاعا» كوشۋ مەن جاڭعىرتىلمالى ەنەرگەتيكانى دامىتۋ جايلارىن تالقىلادى. ەلىمىزدىڭ وبلىستارىنان, رەسەيدىڭ التاي, ومبى, توم, ءنوۆوسىبىر وڭىرلەرىنەن, باشقۇرتستاننان دەلەگاتسيالار قاتىستى.
فورۋمنىڭ باستى ماقساتى – ءوندىرىستى وبلىسقا ينۆەستيتسيا تارتۋ. سوندىقتان دا وسى اۋقىمدى شارانىڭ باعدارلاماسىندا كورمەلەر, وبلىستاعى كاسىپورىنداردى ارالاۋ, مادەني-دەمالىس ءىس-شارالارى ۇيىمداستىرىلدى. ءوڭىردىڭ يننوۆاتسيالىق جوبالارى كورمەسىندە ەنەرگەتيكا, فارماتسەۆتيكا, مۇناي-حيميا, اگروونەركاسىپتىك كەشەن, تاۋ-كەن ءوندىرىسى سالالارى بويىنشا ۇزدىك جوبالار تاڭدالىنىپ, فورۋمعا قاتىسۋشىلار نازارىنا ۇسىنىلدى. شارا اياسىندا حالىقارالىق ەنەرگەتيكالىق فورۋممەن بىرگە «بولاشاقتىڭ قۋاتى – جاڭا ەنەرگيا كوزدەرىندە» جانە «ەنەرگەتيكا – بۇگىن جانە ەرتەڭ» دەپ اتالاتىن سەكتسيالار جۇمىس جاسادى. وبلىستىق يندۋستريالىق-يننوۆاتسيالىق دامۋ باسقارماسىنىڭ باسشىسى نيكولاي دىچكونىڭ ايتۋىنشا, يننوۆاتسيالىق كورمەگە قاتىسۋداعى باستى تالاپ – ۇزدىك جوبالاردىڭ يننوۆاتسيالىق جاڭالىعى جانە جاڭا جۇمىس ورىندارىن اشۋعا ىقپال ەتۋى قاجەت. كورمەدە وتاندىق جانە شەتەلدىك كومپانيالاردىڭ ونىمدەرى, يننوۆاتسيالىق جاڭالىقتار كورىنىس تاپتى. ونداعان يننوۆاتسيالىق جوبالار كەلۋشىلەردىڭ نازارىنا ۇسىنىلدى. قاتىسۋشىلاردىڭ قاتارىندا ەلىمىزدىڭ, رەسەي مەن ەۋروپا ەلدەرىنىڭ بەلدى كومپانيالارى بار. وتاندىق ونىمدەرىمىزدىڭ كورمەدەن كوبىرەك ورىن الۋى – ەلىمىزدىڭ يننوۆاتسيالىق تىنىس-تىرشىلىگىنىڭ قازىرگى دامۋىن كورسەتىپ تۇردى. ماسەلەن, استانادان كەلگەن «Astana Solar» كومپانياسى كۇننەن قۋات الاتىن پانەلدەردى قۇراستىرۋمەن اينالىسادى. ەلباسىنىڭ ءوزى اشقان بۇل زاۋىتتا ءوز جەرىمىزدىڭ كرەمنيى ارقىلى كۇن باتارەيالارى جاسالىنادى. كومپانيا ديرەكتورىنىڭ ورىنباسارى جانىبەك جانعازيەۆتىڭ ايتۋىنشا, قازىر زاۋىت ەكى ءتۇرلى كۇن پانەلدەرىن شىعارادى. ولار 60 جانە 70 ۇياشىقتى باتارەيالار. ءبىر ارتىقشىلىعى, بۇل پانەلدەر قازاقستاندىق كرەمنيدەن جاسالىنادى. ساپاسى جاعىنان شەتەلدىك پانەلدەردەن ەش كەم ەمەس.
ارينە, فورۋم تاقىرىبىنىڭ اۋقىمى كەڭ. بۇل – بولاشاقتا بالاما قۋات كوزدەرىن اشۋ ءۇشىن جاڭا تەحنولوگيالاردى ومىرگە اكەلۋ, جاڭا بالاما قۋات كوزدەرىن يگەرۋگە حالىقارالىق قوعامداستىقتىڭ نازارىن اۋدارۋ دەگەن ءسوز. جاھاندانۋ ۋاقىتىندا ازىق-ت ۇلىك, ەنەرگەتيكا تاپشىلىعى اتتى الەمدىك قاۋىپتەر بوي كورسەتۋدە. فورۋمدا باس قوسقان ەنەرگەتيكالىق, ەكونوميكالىق ساراپشىلار, عالىمدار, كاسىپكەرلەر, كومپانيالار وكىلدەرى ادامزات ءۇشىن اۋاداي قاجەت «بولاشاق ەنەرگياسى» اتتى وزەكتى ماسەلەنى جان-جاقتى تالقىلادى.
فورۋمعا شەتەلدىك عالىمدار دا قاتىستى. ماسەلەن, شۆەد ۋنيۆەرسيتەتىنىڭ پروفەسسورى ليندا ولوۆسوننىڭ ويىنشا, ونىڭ عىلىمي جاڭالىعى ءبىزدىڭ ەلدىڭ عالىمدارىن قىزىقتىرۋى مۇمكىن. ولار ويلاپ تاپقان قوندىرعى وزەن-كولدەردىڭ سۋىن تەكسەرۋگە ارنالعان. ول ارقىلى سۋدىڭ قاي مولشەردە ۋلانعانىن, قۇرامىندا قانداي زياندى زاتتار بار ەكەنىن انىقتايدى. ءبىزدىڭ وبلىستا دا تازا سۋعا دەگەن تاپشىلىق بار ەكەنىن بىلگەن ەكەن. ال كەلەشەكتە ەنەرگيا كوزدەرى سارقىلادى دەگەن پىكىرلەر جوققا شىعۋدا. قۋات كوزىن ءوندىرۋدىڭ ءتۇرلى جولدارى تابىلدى. ەۋروپا ەلدەرى مەن اقش-تا جەلدەن, كۇننىڭ كوزىنەن جانە سۋدان ەنەرگيا وندىرىلۋدە. كومىر وتىنى مەن مۇنايدى قۋات كوزىنە پايدالانۋدى كوپتەگەن ەلدەر ازايتۋدا. ەلىمىز بولاشاقتا جەل قۋاتىن پايدالانباق. جالپى, بۇۇ-نىڭ جەل ەنەرگەتيكاسى بويىنشا دامۋ باعدارلاماسى اياسىندا جۇرگىزىلگەن زەرتتەۋلەر ەلىمىزدىڭ بىرقاتار وڭىرلەرىندە جەلدىڭ جىلدامدىعى 6 م/س-تان اساتىنىن كورسەتكەن. اڭىزاق جەلى ۇزدىكسىز سوعىپ تۇراتىن وڭىرلەرىمىزگە ەندى جەل گەنەراتورلارى ورناتىلماق.
كورمەدەن كەيىن بارلىق قاتىسۋشىلار پلەنارلىق جيىندا باس قوستى. وعان وبلىس اكىمى ەرلان ارىن قاتىستى. جالپى, وبلىس ورتالىعىندا وتكەن يننوۆاتسيالىق فورۋم ىسكەرلىك بايلانىس كەڭىستىگىنە اينالدى.
فاريدا بىقاي,
«ەگەمەن قازاقستان».
پاۆلودار وبلىسى.