بەلبەۋ دە قورعالدى, رەكورد تا جاڭاردى

31 جاستاعى پولشا بوكسشىسى قازاق جانكۇيەرلەرىنە جاقسى تانىس بولماسا دا, قازاقستاندىق بوكسشىلارعا ەسىم-سويى 2010 جىل­دان بەرى بەلگىلى. سول جى­لى پولشادا جىل سايىن ءداستۇرلى تۇردە وتەتىن «فەليكس شتامم» ءتۋرنيرىنىڭ فينالىندا كاميل ەكى دۇركىن الەم چەمپيونى بولىپ تۇرعان وتانداسىمىز سەرىك ساپيەۆتەن ايلاسىن اسىرىپ, جارىس جەڭىمپازى اتانعان. بۇل – شەرەمەتانىڭ اۋەسقوي بوكستاعى ەڭ تابىستى جەڭىسى دەپ تە ايتۋعا بولادى. بۇدان بولەك ول 2008 جىلى پولشا چەمپيوناتىنىڭ قولا جۇلدەگەرى اتانعان.

2012 جىلدىڭ سوڭىندا بوكس­شى كəسىپقويلار اراسىندا كۇش سىناسۋعا بەل بۋدى. وسى كۇنگە دەيىن 21 مəرتە رينگكە كوتە­رىلىپ, 21 رەت جەڭىسكە جەتتى. 5 قار­­سىلاسىن مەرزىمىنەن بۇرىن جەڭ­گەن. بىلتىر قازان ايىندا شەرەمەتا گولوۆكين مەن ۋكراينالىق سەرگەي دەرە­ۆيان­چەنكو اراسىندا وتكەن بوكس كە­شىندە ونەر كورسەتىپ, مەكسي­كا­لىق وسكار كورتەستى نوكاۋتپەن جەڭگەن ەدى. ءدال وسى جەڭىسىنەن كەيىن ول گولوۆكيننىڭ IBF بەل­دىگىنە مىندەتتى قارسىلاس اتاندى. ەكى بوكسشىنىڭ اراسىنداعى جەك­پە-جەك 2020 جىلدىڭ باسىن­دا ءوتۋى ءتيىس بولاتىن, الايدا ءتۇرلى سەبەپپەن ايقاس بىرنەشە رەت كەيىنگە شەگەرىلە بەردى. مىنە, بوكسشىلار جىل اياعىندا كەزدەسۋ وتكىزىپ, جان­كۇيەرلەرىنە تاماشا تارتىس سىيلادى.

Hard Rock Holly كازينو-قو­ناقۇيىندەگى ايقاستا ماماندار ءاۋ باستان گولوۆكيننىڭ جەڭىسىنە ەش كۇمان كەلتىرگەن جوق. ايگىلى بوكس ساراپشىلارى بۇل جەكپە-جەك قازاقستاندىق بوكسشى ءۇشىن كەزەكتى ءبىر ايقاس الدىنداعى سپار­­رينگ جاتتىعۋ بولادى دەگەن پى­­كىر­لەرىن دە جاسىرىپ قالمادى. ارينە, پولشالىق بوكسشى دەڭ­گەي جاعىنان وتانداسىمىزدىڭ بۇعان دەيىنگى قارسىلاستارى – دەرە­­ۆيانچەنكو, دجەيكوبس, الۆا­رەس­­­پەن سالىستىرۋعا مۇلدە كەل­مەيدى.

دەسە دە كەشەگى كەشكە كاميل شەرەمەتا تاس-ءتۇيىن دايارلىقپەن كەلگەنى بىردەن بايقالدى. ول اتا­عى جەر جارعان گەننادي گو­لوۆكيننەن ەش قايمىقپاي اي­قاستى دەۋگە دە بولاتىن شىعار. ءتىپتى, العاشقى راۋندتا ءبىرىنشى نومىرمەن جۇدىرىقتاسىپ, اشىق ايقاسقا بارعان شەرەمەتا راۋند سوڭىندا گولوۆكيننىڭ اۋىر سوققىسىنا تاپ بولىپ, نوك­داۋن­عا ءتۇسىپ قالدى. جەكپە-جەك­كە دەيىن پىكىر بىلدىرگەن پول­شا­لىق بوكسشى گولوۆكينگە قار­سى ايقاستا ءبىر جىل بۇرىنعى دەرە­ۆيانچەنكونىڭ تاكتيكاسىن قول­دانا­تىنىن, سول جەكپە-جەكتە ۋكراي­نالىقتىڭ جەڭىسكە جەتكەنىن ايتقان بولاتىن. سەرگەيدىڭ تاكتيكاسىن ۇستانامىن دەپ شارشى الاڭعا شىققان شەرەمەتا دا دەرەۆيانچەنكو سياقتى العاشقى راۋندتا-اق نوكداۋنعا ۇشىرادى.

الايدا شەرەمەتانىڭ ساعى سىنعان جوق. كەيىنگى راۋندتاردا دا ول گولوۆكيننىڭ سوققىلارىنا تويتارىس بەرىپ, قارسى شابۋىلعا يەك ارتتى. بىراق ەكىنشى راۋندتا دا كوپ سوققى وتكىزىپ العان كا­ميل تاعى دا ەسەڭگىرەپ قالدى. تەك ءۇشىنشى راۋندقا كەل­گەندە پولشالىق بوكسشى گولوۆ­كين­نىڭ اۋىر سوققىلارىنان سى­تىلىپ شىعىپ كەتە الدى. ال ءتور­تىنشى ءۇش مينۋتتىقتا شەرە­مەتا وتانداسىمىزدىڭ سە­­ريا­­لىق سوققىلارىنان كەيىن كەز­دەسۋدەگى ءۇشىنشى نوكداۋ­نى­نا ۇشىرادى. بۇنداي سوق­قى­لاردان كەيىن گولوۆكيننىڭ قارسىلاستارى ادەتتە جەكپە-جەك­تى جالعاستىرۋدان باس تارتىپ جاتاتىن. كاميل بۇلاي ىستەگەن جوق. بەسىنشى جانە التىنشى راۋندتا وتانداسىمىزدىڭ قارقىنى ءسال سايابىرسىعانىن بايقاعان شەرەمەتا ەندى ءوزى سوققى جاساۋعا تىرىستى. بىراق ونىڭ سوققىلارى گەناعا ەش قاۋىپ تۋدىرعان جوق. بىلايشا ايتقاندا, گولوۆكين ونىڭ سوققىلارىن شىبىن شاق­قان قۇرلى كورمەدى. جەكپە-جەك بەل ورتاسىنان اۋىپ, جەتىنشى راۋندقا كەلگەندە شەرەمەتا تاعى دا رينگ­تىڭ بەسىنشى بۇرى­شىن ىزدەپ كەتتى. بۇل جولى گو­لوۆ­كيننىڭ دجەب سوققىسى كوز­دەگەن جەرگە ءدال ءتيدى.

جەتىنشى راۋندتان كەيىن كەز­دەسۋدىڭ ءارى قاراي جالعاسپايتىنى بەلگىلى بولدى. راۋند ارالىق ۇزى­لىستە پولشالىق بوكسشىنىڭ باپكەرلەرى تورەشىگە جەك­پە-جەك­­تە­ن باس تارتاتىنىن ايتىپ, كاميل شەرەمەتا جەڭىلگەنىن رەسمي مويىندادى.

وسىلايشا, 38 جاستاعى جەر­لەسىمىز گەننادي گولوۆكين IBF جəنە IBو نۇسقالارى بويىنشا əلەم چەمپيونى اتاعىن ءساتتى قور­عادى. بۇل – ونىڭ كəسىپقوي رينگتەگى 41-ءشى جەڭىسى. 36 بəسەكەنى GGG نوكاۋتپەن اياقتادى. ءبىر رەت ۇتىلىپ, تاعى ءبىر جەكپە-جەكتە تەڭ ەسەپ تىركەلدى. سونىمەن قاتار الەم چەمپيونى اتاعىن قورعاۋ جاعىنان رەكورد جاڭارتىپ (21 مارتە), كاسىپقوي بوكس تاريحىنا ءوز ەسىمىن تاعى ءبىر رەت ال­تىن ارىپتەرمەن جازدىردى. بۇعان دەيىنگى رەكورد بەرنارد حوپ­كينسكە تيەسىلى بولاتىن. ول ءوز اتا­عىن 20 رەت قورعاعان ەدى.

Compubox سايتى ۇسىنعان ستاتيستيكالىق مəلىمەتكە جۇگىن­سەك, وسى ايقاس بارىسىندا گو­لوۆكين 554 سوققى جۇمساپ, سو­نىڭ 228-ءى قارسىلاسىنا دəل ءتيدى. بۇل – 41 پايىزدىق كور­سەت­كىش! شەرەمەتا 317 رەت جۇ­دىرىعىن ءدال سىلتەگەن ەكەن. سونىڭ 94-ءى نəتيجەلى بولدى. بۇل – 18 پايىزدىق كورسەتكىش!

جەكپە-جەكتەن كەيىن پىكىر بىلدىرگەن گەننادي گولوۆكين بارشا قازاقستاندىقتاردى تا­ۋەل­سىزدىك مەرەكەسىمەن قۇت­تىق­تاپ, الداعى جوسپارىن ورتاعا سالدى. «ەڭ اۋەلى وتانداستارىمىزدى تاۋەلسىزدىك كۇنىمەن شىن جۇ­رەكتەن قۇتتىقتايمىن. ءبىز بىرگەمىز – مىق­تىمىز. جەكپە-جەككە كەلەر بولساق, بۇگىن جە­ڭىس­كە جەت­كەنىمە جانە شارشى الاڭ­عا قايتا ورالعانىما وتە قۋانىشتىمىن. شەرەمەتا ما­عان توسىن سىي بولعان جوق, ويتكەنى ونىڭ دەڭگەيى اۋەلدەن-اق بەلگىلى ەدى. مەن رينگتە ءوزىمدى جايلى سەزىندىم. كاميل شەرەمەتا جانە ونىڭ كومانداسىنا ءوز العىسىمدى بىلدىرەمىن. جەكپە-جەكتى باستاپقى راۋند­تاردا-اق اياقتاپ تاستاۋى­ما بولار ەدى. بىراق جەكپە-جە­گىم­دى تاعاتسىزدانا كۇتكەن جان­كۇيەر­لەرىمە كەرەمەت بوكس شوۋىن ۇسىنعىم كەلدى.

كەلەسى جەكپە-جەگىم كىممەن ءوتۋى مۇمكىن؟! مەن كەز كەلگەن قار­سىلاستىڭ ۇسىنىسىن قا­راس­­­تىرۋعا دايىنمىن. سونىڭ ىشىن­دە «كانەلو» مەن سميت جەكپە-جەگىنىڭ جەڭىمپازىمەن دە جو­لىققىم كەلەدى», دەدى گولوۆكين.

ايتا كەتەيىك, وسى بوكس كە­شىن­دە جۇدىرىقتاسقان تاعى ءبىر جەرلەسىمىز Əلي احمەدوۆ ەكۆادورلىق كارلوس گونگورمەن IBO تۇجىرىمى بويىنشا الەم چەمپيونى اتاعى ءۇشىن جۇ­دى­رىقتاسىپ, نوكاۋتپەن جەڭى­لىپ قالدى. 12 راۋندقا دەيىن جەر­لەسىمىز ۇپاي سانى بويىنشا الدا كەلە جاتقان. الايدا سوڭعى راۋندتا قارسىلاستىڭ اۋىر سوققىسىن وتكىزىپ العاننان كەيىن جەكپە-جەكتى جالعاستىرا المادى.