ۇكىمەتتىڭ كەڭەيتىلگەن وتىرىسىندا ەلباسى «بيزنەستىڭ جول كارتاسى-2020» باعدارلاماسى شەڭبەرىندە كاسىپكەرلەرگە گرانت بەرۋ ناشار ەكەندىگى تۋرالى سىن-ەسكەرتپەلەر ايتقانى ءمالىم. بۇل سىننىڭ ءوزى ءبىزدىڭ جۇمىسىمىزعا ۇلكەن قوزعاۋشى كۇش بولدى.
ۇكىمەتتىڭ كەڭەيتىلگەن وتىرىسىندا ەلباسى «بيزنەستىڭ جول كارتاسى-2020» باعدارلاماسى شەڭبەرىندە كاسىپكەرلەرگە گرانت بەرۋ ناشار ەكەندىگى تۋرالى سىن-ەسكەرتپەلەر ايتقانى ءمالىم. بۇل سىننىڭ ءوزى ءبىزدىڭ جۇمىسىمىزعا ۇلكەن قوزعاۋشى كۇش بولدى.
نەگىزى, «بيزنەستىڭ جول كارتاسى-2020» باعدارلاماسى شەڭبەرىندە گرانتتار 2012 جىلدىڭ ەكىنشى جارتىجىلدىعىنان باستاپ بەرىلۋدە. الماتى وبلىسى بۇل باعىتتاعى جۇمىستاردى العاشقىلاردىڭ ءبىرى بولىپ «پيلوتتىق» باعىتتا باستادى. گرانتتاردى ۇسىنۋ ەرەجەسىنە ساي ءبىر باستاۋىش كاسىپكەر ءۇشىن گرانتتىڭ سوماسى 3 000 000 تەڭگەدەن اسپاۋى ءتيىس. بىلتىرعى جىلعا گرانتتاردى ۇسىنۋ ءۇشىن وبلىسقا 42 ملن.تەڭگە ءبولىنىپ, بۇل قاراجات 100 پايىزعا يگەرىلدى. گرانتتار اگروونەركاسىپ كەشەنىن دامىتۋىنا, ازىق-ت ۇلىك ونىمدەرىن شىعارۋعا, تۋريزم مەن تىگىنشىلىك قىزمەتتەردى دامىتۋ ءۇشىن 14 كاسىپكەرگە ارقايسىسىنا 3 ملن.تەڭگەدەن بەرىلدى. اعىمداعى جىلعا الماتى وبلىسىنا 90 ملن. تەڭگە ءبولىنىپ, بۇل قاراجات 100 پايىزعا يگەرىلدى. اتالعان باعدارلامانى ءىس-جۇزىنە اسىرۋعا قاراساي, جامبىل, پانفيلوۆ, سارقان, قاراتال, كەربۇلاق, كوكسۋ, اقسۋ, ەسكەلدى اۋداندارى مەن تالدىقورعان جانە قاپشاعاي قالالارىنان بارلىعى 27 ۇمىتكەر قاتىستى.
گرانتتاردى ۇسىنۋ ەرەجەسىنە ساي ءىسىن جاڭا باستاعان جەكە كاسىپكەرلىك سۋبەكتىلەرىنە, جاس كاسىپكەرلەرگە, ايەلدەرگە, مۇگەدەكتەرگە نىسانالى گرانتتار ەكونوميكانىڭ باسىم سەكتورلارى شەڭبەرىندە بىرەگەيلىگىمەن جانە جاڭالىعىمەن ەرەكشەلەنەتىن جاڭا بيزنەس-يدەيالاردى ىسكە اسىرۋ ءۇشىن وتەۋسىز جانە قايتارىمسىز نەگىزدە بەرىلەدى.
اعىمداعى جىلدا الماتى وبلىسى رەسپۋبليكا كولەمىندە ەڭ كوپ جوبا قاراستىرىپ, گرانتتار ۇسىنعانىن اتاپ ءوتۋ قاجەت. ناقتىلاي تۇسسەم, ەكى جىلدا الماتى وبلىسىندا «بيزنەستىڭ جول كارتاسى-2020» باعدارلاماسىنىڭ 41 قاتىسۋشىسىنا 132 ملن. تەڭگە كولەمىندە گرانتتار ۇسىنىلىپ, بەرىلدى. بۇل ارەكەتتەر جەتىسۋ جەرىندە كاسىپكەرلەرگە گرانت بەرۋ ماسەلەسىنە وراي ايتىلعان ءادىل سىننان قورىتىندى شىعارۋعا جاسالعان تالپىنىستىڭ ءبىر پاراسى دەپ تە تۇسىنگەن ءجون.
نۇرلان سىدىقوۆ,
الماتى وبلىسىنىڭ كاسىپكەرلىك باسقارماسى باسشىسىنىڭ ورىنباسارى.