قازاقستان رەسپۋبليكاسىنىڭ تاۋەلسىزدىك كۇنىمەرەكەسى قارساڭىندا ماڭعىستاۋ وبلىسى بويىنشا قاج دەپارتامەنتىنە باعىنىستى مەكەمەلەردەگى سوتتالعاندار اراسىندا مەرەكەلىك جانە جاپپاي مادەني ءىس-شارالار وتكىزىلدى. مەرەكەنىڭ العاشقى كۇنىندە مەكەمەلەردە مەرەكەگە وراي سوتتالعانداردىڭ سالتاناتتى جيىندارى وتكىزىلىپ, مەرەكەلىك قۇتتىقتاۋلار ۇيىمداستىرىلدى.
گم-172/6 مەكەمەسىندە مەرەكەلىك ءىس-شارانى مەكەمە باستىعىنىڭ تاربيە جۇمىستار جونىندەگى ورىنباسارى ادىلەت كاپيتانى ازات شابيكوۆ سوتتالعانداردىڭ پاتريوتتىق سەزىمىن كوتەرۋگە باعىتتالعان مەرەكەلىك قۇتتىقتاۋ سوزىمەن رەسمي تۇردە اشتى. مەكەرەكەلىك ءىس-شارادا سوتتالعان م.ناركۋلوۆ قازاقتىڭ قارا دومبىراسىمەن تەرمە, كۇيلەر ورىندادى. جاساقتار اراسىندا قابىرعا گازەتتەرى شىعارىلىپ, كوميسسيا قۇرامى ۇزدىك قابىرعا گازەتى نوميناتسياسى بويىنشا جەڭىمپازداردى ماراپاتتادى.
سونداي-اق سوتتالعاندار اراسىندا كىشى فۋتبولدان, ۇستەل تەننيسىنەن جانە شاحماتتان سپورتتىق سايىستار ۇيىمداستىرىلدى. كىشى فۋتبولدان جاساقتار اراسىندا مەكەمەنىڭ اۋىسپالى كۋبوگى ءۇشىن تۋرنير وتكىزىلدى. ۇستەل تەننيسىنەن جانە شاحماتتان وتكىزىلگەن جەكە دارا سايىستار وتە تارتىستى ءوتتى.
گم-172/8 مەكەمەسىندە بەكىتىلگەن جوسپارعا سايكەس كونتسەرتتىك ءىس-شارانىڭ اشىلۋ سالتاناتىن مەكەمە باستىعى ادىلەت پودپولكوۆنيگى داستان ءابدىراحمان رەسمي اشىپ, سوتتالعانداردى قازاقستان رەسپۋبليكاسىنىڭ تاۋەلسىزدىك كۇنى مەرەكەسىمەن قۇتتىقتاپ, ءوزىنىڭ ىزگى تىلەگىن ءبىلدىردى.
سوتتالعاندارمەن دايىنداعان كونتسەرتتىك ءىس-شاراعا ايەلدەر جانە ەرلەر قاتىسىپ, تاۋەلسىزدىك كۇنىنە ارنالعان ولەڭدەر, اندەر ايتىپ كوڭىلدى وتكىزدى. ءىس-شارانى سوتتالعان گ.سۋيۋنگاليەۆا جانە ق.حافەزوۆا وزدەرى ازىرلەگەن ستسەناري بويىنشا جۇرگىزىپ, كونتسەتتىك باعدارلامانى كوڭىلدى ءارى قىزىقتى وتۋىنە بەلسەنە ات سالىستى. سوتتالعاندار مەرەكە بارىسىندا قازاقستان رەسپۋبليكاسىنىڭ پاتريوتتىق اندەرىن شىرقاپ, جەلتوقسان وقيعاسىنا قاتىستى اسەرلى ولەڭ جولدارىن وقىدى.
ەرلەر جاساعى اراسىندا «قايسار», «جىگەر», «جالىن» اتتى كوماندالار جاساقتالىپ, كىشى فۋدبولدان جارىس وتكىزىلدى. مەرەكەلىك ءىس-شارانىڭ جوعارى دەڭگەيدە وتۋىنە بەلسەنە ات سالىسقان جانە سايىستاردا جۇلدەلى ورىنعا يە بولعان سوتتالعاندارعا مەكەمە اكىمشىلىگى تاراپىنان قابىرعا ساعاتى, شاشكا, شاحمات ويىندارىنا ارنالعان سىيلىقتار بەرىلىپ, مەكەمە باستىعىنىڭ گراموتاسىمەن ماراپاتتالدى. سوتتالعاندار وتكىزىلگەن ءىس-شاراعا وزدەرىنىڭ العىستارىن ءبىلدىرىپ, مەكەمە اكىمشىلىگىنە جىلى لەبىزدەرىن جەتكىزدى.
گم-172/10 مەكەمەسىندە مەرەكەلىك ءىس-شارا شارۋاشىلىق جاساعىنداعى جانە وقشاۋلانعان ايماقتاعى سوتتالعاندار اراسىندا وتكىزىلدى. كونتسەرتتىك باعدارلامانىڭ اشىلۋى مەكەمە باستىعى ادىلەت پودپولكوۆنيگى ەسبولات دجيگيتوۆتىڭ سوتتالعان ازاماتتارعا ءوزارا قۇرمەتتىڭ ءداستۇرلى قۇندىلىقتارىن ساقتاۋ جانە جاڭا جەتىستىكتەرگە وڭ كوزقاراسپەن قاراۋ قاجەتتىلىگى تۋرالى اتاپ وتكەن جانە سوتتالعانداردى مەرەكەمەن قۇتتىقتاۋ سوزىمەن باستالدى.
مەرەكەلىك ءىس-شاراعا نۇرمۇحان ءجانتورين اتىنداعى ماڭعىستاۋ وبلىستىق مۋزىكالىق دراما تەاترىنىڭ اكتەرلەرى ارنايى كەلىپ, جازاسىن وتەپ جاتقان سوتتالعاندارعا اسەرلى ونەرلەرىن كورسەتتى.
مەرەكەلىك ءىس-شارادا جاندى داۋىستا «ەلىم مەنى اڭساعان», «العا قازاقستان», «كوك تۋدىڭ جەلبىرەگەنى» اتتى پاتريوتتىق اندەر شىرقالدى, ۆيكتورينالىق سۇراقتار قويىلدى, سوتتالعانداردىڭ تاۋەلسىزدىك كۇنىنە ارناپ شىعارعان ولەڭ جولدارى وقىلدى, مەملەكەتىمىزدىڭ رامىزدەرى جونىندە ءتۇسىندىرىلدى.
سونىمەن قاتار, ادىلەت مايورى گالينا ۆەبەر سوتتالعاندارعا تاۋەلسىزدىكتى اڭساعان حالقىمىزدىڭ بوستاندىعى مەن دەربەس دامۋ جولىنداعى سان عاسىرلىق كۇرەس تاريحىنىڭ ناتيجەسى تۋرالى ءوزىنىڭ بايانداماسىن وقىپ, قازاقستاننىڭ تاۋەلسىزدىككە جەتۋ جولىنداعى قىسقامەتراجدى دەرەكتى فيلمكورسەتىلدى.
مەكەمەلەردە جازاسىن وتەپ جاتقان سوتتالعانداردىڭ تۋىسقاندارىمەن الەۋمەتتىكماڭىزى بار قارىم-قاتىناستى قولداۋ, سوتتالعاندار اراسىندا مورالدىق-پسيحولوگيالىق كليماتتى قالىپتاستىرۋعا باعىتتالعان مەرەكەلىك ءىس-شارا جەلتوقساننىڭ 16-سى مەن 18-ءى ارالىعىندا ۇيىمداستىرىلدى.