قازاقستان رەسپۋبليكاسىنىڭ تۇڭعىش پرەزيدەنتى كۇنى – مەملەكەتتىك مەرەكەگە بايلانىستى قۇتتىقتاۋ حاتتار مەن جەدەلحاتتار
قازاقستان رەسپۋبليكاسى تۇڭعىش پرەزيدەنتى كۇنىن مەرەكەلەۋگە وراي ەلباسى نۇرسۇلتان نازارباەۆتىڭ اتىنا قازاقستاندىق جانە شەتەلدىك ساياسي جانە ىسكەرلىك توپتاردان, مەملەكەت جانە قوعام قايراتكەرلەرىنەن, كاسىپورىنداردىڭ ۇجىمدارى مەن قوعامدىق ۇيىمداردان, جەكەلەگەن ازاماتتاردان كوپتەگەن قۇتتىقتاۋلار كەلىپ ءتۇستى.
قازاقستان رەسپۋبليكاسىنىڭ تۇڭعىش پرەزيدەنتى كۇنى – مەملەكەتتىك مەرەكەگە بايلانىستى قۇتتىقتاۋ حاتتار مەن جەدەلحاتتار
قازاقستان رەسپۋبليكاسى تۇڭعىش پرەزيدەنتى كۇنىن مەرەكەلەۋگە وراي ەلباسى نۇرسۇلتان نازارباەۆتىڭ اتىنا قازاقستاندىق جانە شەتەلدىك ساياسي جانە ىسكەرلىك توپتاردان, مەملەكەت جانە قوعام قايراتكەرلەرىنەن, كاسىپورىنداردىڭ ۇجىمدارى مەن قوعامدىق ۇيىمداردان, جەكەلەگەن ازاماتتاردان كوپتەگەن قۇتتىقتاۋلار كەلىپ ءتۇستى.
قۇتتىقتاۋلاردا رەسپۋبليكامىزدىڭ ءوز الەۋەتىن جۇزەگە اسىرىپ, وركەندەۋشى ەلگە اينالۋىنا سەبەپكەر بولعان قازاقستان رەسپۋبليكاسى تۇڭعىش پرەزيدەنتىنىڭ حالىقارالىق ساياساتتاعى جانە ءبىزدىڭ مەملەكەتىمىزدىڭ قارقىندى دامۋىنداعى باعا جەتپەس ءرولى اتاپ كورسەتىلگەن, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسىنا ىزگى تىلەكتەرى مەن قۇتتىقتاۋ حاتتارىن قازاقستاننىڭ ءارتۇرلى كاسىپورىندارىنىڭ جۇمىسشىلارى دا جولدادى.
«قازمىرىش» كومپانيالار توبىنىڭ ۇجىمى ءوز قۇتتىقتاۋىندا بۇگىنگى قازاقستان – تۇراقتىلىق, قارقىندى دامۋ جانە جاسامپازدىق سەكىلدى ءۇش فاكتورمەن سيپاتتالاتىنىن اتاپ وتكەن.
ولارعا الماتى لوكوموتيۆ پايدالانۋ دەپوسىنىڭ ۇجىمى دا قوسىلادى.
ستەپنوگورسكىنىڭ «ارىستان» قۇبىر زاۋىتىنىڭ جۇمىسشىلارى تۇبەگەيلى قايتا جاڭارۋلار مەن جاڭعىرتۋلاردىڭ دايەكتى ساياساتى, ورنىقتى جانە ۇيلەسىمدى ەكونوميكانى قامتاماسىز ەتۋ جونىندەگى ويلاستىرىلعان جۇيە بۇكىل الەمدە تانىمالدىققا يە بولىپ وتىرعانىنا توقتالعان.
«كاسىپورىن ۇجىمى قازاقستاننىڭ زاماناۋي ونەركاسىپ ءوندىرىسىن ودان ءارى دامىتۋعا باعىتتالعان جوبالارعا ءسىزدىڭ پرەزيدەنت رەتىندە نازار قويىپ جانە قولداۋ كورسەتىپ وتىرعانىڭىزدى جوعارى باعالايدى», – دەلىنگەن ولاردىڭ حاتىندا.
«KSP Steel» ساۋدا ءۇيى» جشس باسشىسى م.ابيەۆ ءوز حاتىندا مەملەكەت باسشىسى قازاقستان مەن ونىڭ حالقىنىڭ يگىلىگى جولىندا قاجىرلىلىقپەن ەڭبەك ەتىپ جاتقانىن ەرەكشە اتاپ كورسەتكەن.
اقمولا وبلىسىنداعى «ەسىل-اگرو» جشس باس ديرەكتورى ا.يسماعامبەتوۆ مەملەكەت باسشىسىنىڭ ۇدايى كوڭىل ءبولىپ وتىرعانىنىڭ ارقاسىندا بۇگىندە اگروونەركاسىپ سالاسى الەمدىك تالاپتارعا ساي دامىپ كەلە جاتقانىن ايتقان. ءوز كەزەگىندە استانادان حات جولداعان «Biomarket.kz» جشس ۇجىمى رەسپۋبليكادا بيوەگىنشارۋاشىلىعى مەن بيومالشارۋاشىلىعىن دامىتۋ ءۇشىن بارلىق كۇشتەرىن سالاتىنىنا سەندىرگەن.
سونىمەن قاتار, قازاقستان كاسىپوداقتارى فەدەراتسياسىنىڭ ۇجىمى اتىنان ونىڭ توراعاسى ءا.قۇسايىنوۆ, الماتى قالاسىنداعى حالىققا قىزمەت كورسەتۋ ورتالىقتارىنىڭ ءبىرىنىڭ ۇجىمى اتىنان ا. شاكەنوۆ قۇتتىقتاۋ جولداعان.
قازاقستان رەسپۋبليكاسى پرەزيدەنتى جانىنداعى قازاق ستراتەگيالىق زەرتتەۋلەر ينستيتۋتى, ع.ساپارعاليەۆ اتىنداعى مەملەكەت جانە قۇقىق عىلىمي-زەرتتەۋ ينستيتۋتى ۇجىمدارى اتىنان ەلىمىزدىڭ عىلىمي توپتارى مەملەكەت باسشىسىنىڭ جاڭا, تاۋەلسىز قازاقستاندى قۇرۋداعى, ەكونوميكانى جانە ەلىمىزدىڭ حالىقارالىق بەدەلىن نىعايتۋداعى كوپشىلىك مويىنداعان ۇلەسىن اتاپ وتكەن.
ىزگى تىلەككە تولى حاتتار ەلىمىزدىڭ ءبىلىم بەرۋ مەكەمەلەرىنەن دە كەلدى.
ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ پروفەسسورلارى مەن ستۋدەنتتەرى, قاراعاندى مەملەكەتتىك تەحنيكالىق ۋنيۆەرسيتەتىنىڭ ۇجىمى ءبىلىم بەرۋ سالاسىن مەملەكەتتىك قولداۋدىڭ ماڭىزدىلىعىنا توقتالعان.
ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇجىمى جولداعان حاتتا پرەزيدەنتتىڭ باسشىلىعىمەن ەلىمىز وركەندەۋ مەن جاسامپازدىق جولىن ءجۇرىپ وتكەنى باياندالعان.
«ول جەڭىل بولعان جوق, بىراق ول, ەگەر ەركىن سايلاۋعا جانە حالىقتىڭ ەرىك-جىگەرىنە سۇيەنەتىن بولسا, ەگەر بابالاردىڭ رۋحاني تاجىريبەسىن ۇمىتپاسا جانە يننوۆاتسيادان قايمىقپاسا, وندا قانداي جوعارى ناتيجەلەرگە جەتۋگە بولاتىنىن كورسەتتى», دەپ جازادى حات يەلەرى.
م.ماقاتاەۆ اتىنداعى №140 مەكتەپ-گيمنازياسىنىڭ مۇعالىمدەرى, سونداي-اق, الماتى قالاسىنىڭ №116 «بوبەكجاي» بالاباقشاسىنىڭ تاربيەشىلەرى جولداعان حاتتارىندا تاربيەلەنۋشىلەرىنىڭ جەتىستىكتەرى جونىندە ايتقان. سونداي-اق, حات يەلەرى مەملەكەت باسشىسىنا ءبىلىم بەرۋ جۇيەسىنە كوڭىل ءبولىپ, ونىڭ قارقىندى دامۋىنا جاعداي جاساعانى ءۇشىن العىستارىن جەتكىزگەن. پەداگوگتار بالالاردىڭ دامۋى ءۇشىن پايدالى رەسۋرسقا اينالعان «بالاپان» بالالار تەلەارناسىن ىسكە قوسۋدىڭ ماڭىزدىلىعىن ايرىقشا اتاپ وتكەن.
ءوز حاتىندا قازاقستان حالقى اسسامبلەياسىنىڭ حالىقارالىق مەديا-فورۋمىنا الەمنىڭ 20 ەلىنەن كەلگەن قاتىسۋشىلار نۇرسۇلتان نازارباەۆقا تەك قازاقستاندا عانا ەمەس, بۇكىل الەمدە تىنىشتىق پەن كەلىسىمنىڭ ساقتالۋىن ىلگەرىلەتۋشىلىك قىزمەتى ءۇشىن العىستارى مەن قۇرمەتتەرىن ءبىلدىردى. ولاردىڭ يگى تىلەكتەرىنە اقمولا وبلىسىنىڭ قازاقستان حالقى اسسامبلەياسىنىڭ XVI سەسسياسىنا, «جاڭا قازاقستاندى قالىپتاستىرۋ جونىندەگى قر تۇڭعىش پرەزيدەنتى ن.ءا.نازارباەۆتىڭ بەتبۇرىستى شەشىمى» وڭىرلىك عىلىمي-پراكتيكالىق كونفەرەنتسياسىنا قاتىسۋشىلار, وڭتۇستىك قازاقستان وبلىسىنىڭ زيالى قاۋىم وكىلدەرى, سونداي-اق, ورال مەن اقتوبە ارحيەپيسكوپى انتوني قوسىلىپ وتىر.
«جاناشىر» حالىقارالىق قايىرىمدىلىق قورىنىڭ پرەزيدەنتى ج.اپەتوۆا نۇرسۇلتان نازارباەۆتىڭ باسشىلىعىمەن قازاقستان تاۋەلسىزدىك جىلدارىندا وراسان ناتيجەگە جەتتى دەپ سانايدى.
«مادەنيەت, ونەر مەن عىلىم ءتارىزدى سالالار مۇلدە جاڭاشا دامىدى. سونىمەن بىرگە, مەنىڭ زامانداستارىمنىڭ سانا-سەزىمى, دۇنيەتانىمى جانە مىنەز-قۇلقى وزگەرىپ, جاڭاشا قالىپتاسا باستادى», دەلىنگەن حاتتا.
سەمەي قالاسىنداعى «كومەك» مۇگەدەكتەر قوعامدىق بىرلەستىگى وكىلدەرىنىڭ قۇتتىقتاۋىندا مەملەكەت باسشىسىنىڭ ەلىمىزدىڭ الەۋمەتتىك-ەكونوميكالىق دامۋىنداعى جانە حالىقتىڭ ءومىر ءسۇرۋ دەڭگەيىن ارتتىرۋ ءۇشىن جاعداي جاساۋداعى ءرولى اتاپ كورسەتىلگەن.
مەملەكەت باسشىسىنىڭ تەمىرتاۋدا جۇمىس ىستەگەن ۇزەڭگىلەستەرى ا.ءجۇنىسوۆ, ك.وماشەۆ, ە.تىلەۋباەۆ, ۆ.نيكونوۆ, ج.ارىسوۆ, ا.اسانوۆ, ۆ.كولباسا, ن.ۆاحيتوۆا, ت.يسكاكوۆ تا جۇرەكجاردى تىلەكتەرىن جولداعان. ولار وزدەرىنە ەڭبەكسۇيگىشتىكتىڭ ۇلگىسىن كورسەتكەن نۇرسۇلتان نازارباەۆپەن بىرگە جۇمىس ىستەۋ مۇمكىندىگىنە يە بولعانى ءۇشىن بويلارىن ماقتانىش سەزىمى كەرنەيتىنىن جازادى.
ءوز كەزەگىندە قاراعاندىدان ەڭبەك ارداگەرلەرى س.دوسماعامبەتوۆ پەن ز.مولداحمەتوۆ تاۋەلسىزدىك قارساڭىنداعى سايلاۋالدى كەزەڭدە نۇرسۇلتان نازارباەۆپەن كەزدەسكەن كەزدەرىن ەسكە الادى.
«حالىق قاتتى الاڭدادى, ءارى قاراي نە بولادى, قالاي ءومىر سۇرەمىز, رەسپۋبليكا تاعدىرى نە بولماق؟ وسى كەزدەسۋدە ءسىز بارلىق ساۋالعا تولىق جاۋاپ بەردىڭىز جانە بۇدان ءارى ءبىز الەمدىك وركەنيەت جولىمەن العا جىلجيتىنىمىزدى, قازاقستان تاۋەلسىز مەملەكەت رەتىندە تولىق دامي الاتىنىن جانە وركەندەيتىنىن ايتتىڭىز», – دەپ جازادى ەڭبەك ارداگەرلەرى.
قازاقستان جازۋشىلار وداعىنىڭ مۇشەسى ت.نۇراحۋنوۆ, اقىن ءارى ءانشى ي.تاسقارا, شىمكەنتتەن زەينەتكەر, تىل ەڭبەككەرى ب.بوتاي ۇلى, سولتۇستىك قازاقستان وبلىسىنىڭ تالشىق اۋىلىنىڭ تۇرعىنى ي.يلياسوۆ, اقمولا وبلىسىنان ت.بارىشنيكوۆا, الماتىدان ي.حاسەن ۇلى, قاراعاندى وبلىسى بالقاش قالاسىنىڭ №7 مەكتەپ-گيمنازياسىنىڭ وقۋشىلارى ءوز قۇتتىقتاۋلارىن ولەڭ جولدارى ارقىلى بىلدىرگەن. ز.كوشىمباەۆا ءوز حاتىندا نەمەرەسى ن.كوشىمباەۆانىڭ ولەڭىن قوسا جىبەرگەن, وندا تۇڭعىش پرەزيدەنتتىڭ تاۋەلسىز قازاقستاندى قالىپتاستىرۋ مەن دامىتۋداعى ءرولى تۋرالى باياندالعان.
الماتىدان قازاقستاننىڭ حالىق ءارتىسى, كومپوزيتور ب.جۇمانيازوۆ, مارات پەن ناعيما نازارباەۆتار, ك.بولەگەنوۆا, ا.ايحانوۆا, ا.اكىم ۇلى, پەتروپاۆلدان ك.اۋباكىروۆا, تالدىقورعاننان ب.تورەحانوۆا, شىعىس قازاقستان وبلىسى سەمەي قالاسىنان ح.قاليەۆا, استانادان ا.عابدۋللينا, سادۋاقاس, ت.ساپاروۆا, ايجان مەن ءاليا ايتحوجينالار, شىمكەنتتەن ي.ورازباي, و.كومەكباەۆا, زەينەتكەر ب.شۇكىربەكوۆا, ورالدان ت.قۇباشەۆا, ب.مەڭدىعاليقىزى, اقمولا وبلىسىنان ەڭبەك سىڭىرگەن قىزمەتكەر, زەينەتكەر گ.نۇركەنوۆا, ك.ءابۋوۆا, ت.ب. جولداعان حاتتاردا مەملەكەت باسشىسىنا زور دەنساۋلىق, سونداي-اق, جاۋاپتى قىزمەتىنە مول تابىس تىلەگەن يگى تىلەكتەر بىلدىرىلگەن.
الماتىدان جولداعان ءوز حاتىندا گ.سۆەتلوۆا مەن ل.شابالينا قازاقستاندىقتارعا كورسەتىلگەن قامقورلىق ءۇشىن مەملەكەت باسشىسىنا زور العىستارىن بىلدىرگەن. مۇنداي كوڭىل ءبولۋدىڭ ءبىر مىسالى رەتىندە ولار قازاقستان مەن رەسەي اراسىندا قول قويىلعان XXI عاسىرداعى تاتۋ كورشىلەستىك پەن وداقتاستىق تۋرالى تاريحي شارتتى اتاعان.
قۇتتىقتاۋلار جولداعان قازاقستاندىقتار اراسىندا استانا تۇرعىنى, 1-سىنىپتى ينجەنەر-ۇشقىش ن.اقمۇقانوۆ تا بار. ول حاتىندا «بالالىق شاعىمنىڭ اسپانى» ءفيلمىن تاماشالاۋدان العان ءوز اسەرىن بولىسكەن.
«ەڭ الدىمەن, تۋعان اۋىلىنا, اكە شاڭىراعىنا دەگەن ەرەكشە سۇيىسپەنشىلىك, ۇشقان ۇيا مەكتەبىنە, بالالىق شاقتاعى دوستارىنا دەگەن ادالدىق شىنايى تانىتىلعاندىقتان, فيلم تاماشا بولدى. ەڭ باستىسى, بۇل فيلم ءاربىر قازاقستاندىقتىڭ, ءاربىر وتباسىنىڭ جانە اسىرەسە, جاستاردىڭ جۇرەگىنەن ءوز ورنىن تاپتى», – دەپ جازادى ن.اقمۇقانوۆ.
قۇتتىقتاۋ حاتتارى مەن جەدەلحاتتار ورتالىق جانە جەرگىلىكتى مەملەكەتتىك ورگانداردىڭ باسشىلارىنان, پارلامەنت دەپۋتاتتارىنان دا كەلدى.
كەلىپ تۇسكەن قۇتتىقتاۋلارمەن تانىسىپ شىققان مەملەكەت باسشىسى نۇرسۇلتان نازارباەۆ حاتتار مەن جەدەلحاتتار جولداعان بارلىق اۆتورلارعا قۇتتىقتاۋلارى مەن يگى تىلەكتەرى ءۇشىن العىسىن ءبىلدىردى.