«اباي جولى» جانە «ۇستازدىڭ ورالۋى» روماندارى ليتۆا تىلىندە جارىق كوردى

مۇحتار اۋەزوۆتىڭ ليتۆا تىلىندە قايتا باسىلىپ شىققان «اباي جولى» رومان-ەپوپەياسىنىڭ جانە ءانۋار ءالىمجانوۆتىڭ «ۇستازدىڭ ورالۋى» پوۆەسىنىڭ تۇساۋكەسەرى ءوتتى.

بەينەكونفەرەنتسيا فورماتىندا وتكەن تۇساۋكەسەرگە اباي اتىنداعى شىعىس قازاقستان وبلىستىق امبەباپ كىتاپحاناسى مەن ءال-فارابي اتىنداعى قازۇۋ-دىڭ باسپا ءۇيىنىڭ باسشىلىعى, ا. ميتسكەۆيچ اتىنداعى ۆيلنيۋس وبلىستىق قوعامدىق كىتاپحاناسىنىڭ جانە ە. سيمونايتيتە اتىنداعى كلايپەدا وبلىستىق قوعامدىق كىتاپحاناسىنىڭ ديرەكتورلارى, ليتۆا قاۋىمدار ءۇيى جانە ليتۆا جۋرناليستەر وداعىنىڭ توراعالارى, ليتۆانىڭ ءىرى جوعارى وقۋ ورىندارىنىڭ, قازاق دياسپوراسىنىڭ, سونداي-اق ليتۆانىڭ باق وكىلدەرى قاتىستى.

تۇساۋكەسەردى اشقان قازاقستان ەلشىسى ۆيكتور تەمىرباەۆ اتالعان ەكى شىعارما قازاقستان ۇلتتىق اكادەميالىق كىتاپحاناسىمەن ەلىمىزدە جالپىعا ورتاق وقۋعا ارنالعان جىلدىڭ باس كىتاپتار رەتىندە تانىلعانىن بايانداپ ءوتتى. وسىعان وراي, ليتۆالىق وقىرماندار اباي قۇنانباي ۇلىنىڭ بىرەگەي الەمىن جانە «ەكىنشى ۇستاز» ءابۋ ناسىر ءال-ءفارابيدىڭ مۇراسىن انا تىلدەرىندە اشا الاتىنىن قاناعاتتانۋشىلىقپەن اتاپ ءوتتى.

ءىس-شاراعا قاتىسۋشىلار قازاقستاندىق كوركەم ادەبيەتتىڭ ەكى جاۋھارى ليتۆالىق وقىرمانداردىڭ قازاق حالقىنىڭ مادەنيەتى مەن تاريحى, ونىڭ جانى مەن تاعدىرى تۋرالى تۇسىنىگىن كەڭەيتۋگە ىقپال ەتەتىنىنە سەنىم ءبىلدىردى.

ا. ميتسكەۆيچ اتىنداعى ۆيلنيۋس وبلىستىق قوعامدىق كىتاپحاناسىنىڭ ديرەكتورى ەميليا بانيونيتە «اباي جولى» رومانىنىڭ ليتۆا تىلىندەگى جاڭا باسىلىمى بيىل كۇزدە اتالعان كىتاپحانادا اشىلعان اباي اتىنداعى وقۋ زالىنىڭ ءىنجۋ-مارجانى بولاتىنىن اتاپ ءوتتى.

«اباي جولى» رومانىنىڭ قايتا باسىلىپ شىعۋ تاريحىن ەسكە الا وتىرىپ, ليتۆالىق باسپاگەر ايداس جانداريس كورنەكتى قازاقستاندىق سۋرەتشى ەۆگەني سيدوركيننىڭ الۋەتىنە روماننىڭ العاشقى باسىلىمىنا 1960 جىلى ارنايى جاسالعان اتاقتى گرافيكتىڭ تۇپنۇسقالى يلليۋستراتسيالارىن كىتاپتا قولدانۋ مۇمكىندىگى ءۇشىن العىسىن ءبىلدىردى.

شىعارىلعان كىتاپتار ليتۆانىڭ بارلىق وبلىستىق جانە باسقا دا ءىرى كىتاپحانالارىنا سىيعا بەرىلەدى, ولاردىڭ بىرقاتارىندا قازىردىڭ وزىندە قازاق ادەبيەتىنىڭ «بۇرىشتارى» قالىپتاسقان.سونىمەن قاتار, 2021 جىلى قازاق كلاسسيكتەرى ەڭبەكتەرىنىڭ كەزەكتى تۇساۋكەسەرى وڭىردەگى ەڭ ءىرى, جىل سايىنعى «Vilnius Book Fair» كىتاپ كورمەسىندە جوسپارلانعان.