قر ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ماڭعىستاۋ وبلىسىنا ءىس-ساپارى بارىسىندا «Caspian Riviera» جشس بالىق شارۋاشىلىعىنىڭ جۇمىسىمەن تانىستى.
2014 جىلى قۇرىلعان شارۋاشىلىق جىلىنا 100 توننا بالىق وندىرەدى. بەكىرە شارۋاشىلىعىنىڭ 2400 شارشى شاقىرىم اۋماقتا جاساندى سۋ ارناسى, ورتالىق ازياداعى ەڭ ۇلكەن جەكەمەنشىك اكۆاريۋمى, ۋلترادىبىستىق زەرتتەۋ اپپاراتى, ينكۋباتسيالىق تسەح, بالىق ساقتايتىن توڭازىتقىشتارى مەن سۋ ساپاسىن تەكسەرۋ زەرتحاناسى بار.ء«بىزدىڭ كومپانيامىز 6 جىل بويى بالىق ءوسىرۋدىڭ ءتۇرلى ادىستەرىن قولدانىپ جۇمىس ىستەپ كوردىك. قازىرگى ۋاقىتتا ۇلكەن بەكىرە شارۋاشىلىعى زاۋىتىن سالۋدى جوسپارلاپ جاتىر. زاۋىت اقتاۋ تەڭىز پورتى ارنايى ەكونوميكالىق ايماعىندا بولادى. ايماقتا اكۆامادەنيەت سالاسى بولماعاندىقتان كەلىسسوزدەرگە ۋاقىت كەتتى», - دەدى شارۋاشىلىق ديرەكتورى راۋشان حاميتوۆا. ماعزۇم مىرزاعاليەۆ ءوز كەزەگىندە ەكولوگيا مينيسترلىگى بالىق شارۋاشىلىعىنداعى ءىرى جوباعا قولداۋ كورسەتۋگە دايىن ەكەنىن جەتكىزدى. ەسكە سالساق, مەملەكەت باسشىسى قاسىم-جومارت توقاەۆ حالىققا جولداۋىندا بالىق شارۋاشىلىعىنا ەرەكشە ءمان بەرۋ كەرەكتىگىن ايتقان. 2019 جىلى ەلىمىزدىڭ بالىق جانە بالىق ونىمدەرى نارىعىنىڭ جالپى كولەمى 66 مىڭ توننانى قۇرادى. قازاقستانداعى سۋ رەسۋرستارى 600 مىڭ تونناعا دەيىن بالىق ءوسىرىپ, ەكسپورتتى 10 ەسەگە ارتتىرۋعا مۇمكىندىك بەرەدى. سول سەبەپتى قازىر ەكولوگيا مينيسترلىگى شارۋالاردى قولداۋ ماقساتىندا بىرقاتار زاڭدارعا وزگەرىس ەنگىزىپ, سۋبسيديا بەرۋ جولدارىن قاراستىرىپ جاتىر.