وزبەكستان مەن كۋباعا ەاەو-عا باقىلاۋشى مارتەبەسى بەرىلدى

باقىلاۋشى مەملەكەتتىڭ باسقا وكىلدەرى شاقىرۋ بويىنشا القانىڭ, كوميسسيا كەڭەسىنىڭ جانە ەەك جانىنداعى كەڭەسشى ورگانداردىڭ وتىرىستارىنا قاتىسا الادى. سونىمەن قاتار باقىلاۋشى مەملەكەتتىڭ مەملەكەت جانە ۇكىمەت باسشىسىنىڭ شاقىرۋ بويىنشا جوعارعى كەڭەس پەن ەۋرازيالىق ۇكىمەتارالىق كەڭەستىڭ وتىرىستارىنا قاتىسۋ مۇمكىندىگى قاراستىرىلعان باقىلاۋشى مارتەبەسىن العان مەملەكەت وداقتىڭ جانە وعان مۇشە مەملەكەتتەردىڭ مۇددەلەرىنە, ەاەو تۋرالى شارتتىڭ ماقساتتارىنا نۇقسان كەلتىرەتىن كەز كەلگەن ءىس-ارەكەتتەن اۋلاق بولۋعا مىندەتتى.

وزبەكستان ەاەو ەلدەرىمەن ساۋدا-ەكونوميكالىق ىنتىماقتاستىقتى بەلسەندى تۇردە كەڭەيتىپ وتىر. 2016-2019 جىلدارى وزبەكستاننىڭ جالپى تاۋار اينالىمى مۇشە ەلدەرمەن 4,5 ميلليارد دوللاردان 9,1 ميلليارد دوللارعا دەيىن ەكى ەسەگە ءوستى, قازىرگى ۋاقىتتا وزبەكستاننىڭ ەاەو-پەن سىرتقى ساۋداسىنىڭ ۇلەسى 30% قۇرايدى, ال اۋىلشارۋاشىلىق ونىمدەرىنىڭ ەكسپورتى 75% اسادى.

وزبەكستان حالقىنىڭ سانى – 30,6 ميلليون ادام. ساتىپ الۋ قابىلەتتىلىگى بويىنشا ەلدىڭ ءىجو شامامەن 223 ميلليارد دوللاردى قۇرايدى, سىرتقى ساۋدا اينالىمى 22,9 ميلليارد دوللاردى قۇرايدى, ونىڭ ىشىندە ەكسپورت – 11,5 ميلليارد دوللار (ونىڭ 20%-ى ەاەو ەلدەرىنە كەلەدى), يمپورت – 11,4 ميلليارد دوللار (ەاەو ەلدەرىنەن شامامەن 55%).

جان-جاقتى ساۋدا-ەكونوميكالىق ىنتىماقتاستىقتى تەرەڭدەتۋ وداققا مۇشە ەمەس تاۋەلسىز مەملەكەتتەر دوستاستىعىنا مۇشە مەملەكەتتەرمەن, جالپى العاندا, ەاەو حالىقارالىق قىزمەتىنىڭ باسىم باعىتى بولىپ تابىلادى.

ەاەو-نىڭ كۋبامەن وداق شەڭبەرىندەگى باقىلاۋشى مەملەكەت رەتىندە ءوزارا ءىس-قيمىلى 2018 جىلى جاسالعان ءوزارا تۇسىنىستىك تۋرالى مەموراندۋم اياسىندا ەەك پەن كۋبا رەسپۋبليكاسى ۇكىمەتىنىڭ اراسىنداعى بۇرىن قالىپتاسقان ءوزارا ءىس-قيمىل تەتىكتەرىن دامىتادى, ونىڭ شەڭبەرىندە بىرلەسكەن جۇمىس توبى جۇمىس ىستەيدى.

ەاەو-مەن ديالوگتى كۋبا جاعى ەۋرازيا كونتينەنتىندەگى كۋبا رەسپۋبليكاسىنىڭ ءداستۇرلى سەرىكتەستەرىمەن ساۋدا-ەكونوميكالىق بايلانىستاردى جانداندىرۋدىڭ ماڭىزدى ەلەمەنتى جانە ىنتىماقتاستىقتى جاڭا لايىقتى دەڭگەيگە شىعارۋعا ىنتالاندىرۋ رەتىندە قاراستىرادى.

ەاەو-عا مۇشە ەلدەر مەن كۋبا اراسىنداعى ساۋدا-ەكونوميكالىق ىنتىماقتاستىقتىڭ دامۋ دەڭگەيى ءوسۋ ءۇشىن ماڭىزدى الەۋەتكە يە. 2019 جىلدىڭ سوڭىندا ەاەو ەلدەرىنىڭ كۋبامەن تاۋار اينالىمى 214,7 ميلليون دوللاردى قۇرادى, ونىڭ ىشىندە ەكسپورت – 197,1 ميلليون دوللار جانە يمپورت – 17,6 ميلليون دوللار. 2018 جىلى ەاەو اراسىنداعى تاۋار اينالىمىنىڭ 2010 جىلدان باستاپ رەكوردتىق دەڭگەيى تىركەلدى.