قازاقستان حالقى اسسامبلەياسى ءماجىلىس دەپۋتتاتتىعىنا ۇمىتكەرلەردى ۇسىندى

القالى كەڭەسكە نۇر-سۇلتان, الماتى, شىمكەنت قالالارى جانە وبلىستار اكىمدەرى – قحا توراعالارى, قر پارلامەنتى ءماجىلىسىنىڭ دەپۋتاتتارى, ورتالىق مەملەكەتتىك ورگانداردىڭ باسشىلارى, قحا كەڭەسىنىڭ مۇشەلەرى قاتىستى.

كۇن تارتىبىندە تۇڭعىش پرەزيدەنت – ەلباسى, قحا توراعاسى ن.ءا.نازارباەۆتىڭ بەيبىتشىلىك پەن كەلىسىم ساياساتىن جۇزەگە اسىرۋ ماسەلەلەرى, سونداي-اق ەلىمىزدىڭ تاۋەلسىزدىگىن نىعايتۋداعى قازاقستان حالقى اسسامبلەياسىنىڭ ءرولى قاراستىرىلدى.

ءوز سوزىندە مەملەكەتتىك حاتشى ەتنوسارالىق قارىم-قاتىناستاردى دامىتۋدىڭ جاڭا كەزەڭىنىڭ ۋاقىتى كەلگەنىن اتاپ ءوتتى.

«بىرلىك پەن كەلىسىمنىڭ الەۋمەتتىك كاپيتالىن نىعايتۋ, ەتنوستار اراسىنداعى ءوزارا ارەكەتتەستىكتىڭ جاڭا الاڭدارىن قالىپتاستىرۋ, ەتنيكالىق ماسەلەنى ساياسيلاندىرۋعا جول بەرمەۋ, ەتنيكالىق نەگىزدەگى كەز كەلگەن جانجالدى بەيتاراپتاندىرۋ ماڭىزدى ەكەنىن كورىپ وتىرمىز. بۇل – بارلىق بيلىك ينستيتۋتتارى مەن ازاماتتىق قوعامنىڭ ماسەلەسى.

بيىل قىسقا مەرزىمدە ەلىمىزدەگى ەتنوسارالىق پروتسەستەردى باسقارۋعا قاتىستى ادىستەمەلەردى اۋىستىرۋعا باعىتتالعان اۋقىمدى جۇمىس اتقارىلدى. ولار ينستيتۋتسيونالدى تۇردە انىقتالعان سيپاتقا يە بولىپ وتىر. اسسامبلەيانىڭ بارلىعى سەنىم بىلدىرەتىن جالپى ازاماتتىق, ساياساتتان تىس جانە جالپىحالىقتىق ينستيتۋت رەتىندە قۇرىلىمدىق جانە ساپالىق تۇرعىدان جۇمىسىن قايتا باستاپ جاتقان جايى بار. قوعامدىق سانانى جاڭعىرتۋ جونىندەگى ۇلتتىق كوميسسيانىڭ جاقىندا وتكەن وتىرىسىندا ءبىز «رۋحاني جاڭعىرۋ» باعدارلاماسىنىڭ 2020 جىلى ىسكە اسىرىلۋىن قورىتىندىلاپ, جۇمىستىڭ الداعى ۋاقىتتاعى باسىمدىق بەرىلەتىن باعىتتارىن ايقىندادىق.

جاڭا جاعدايلاردى ەسكەرە وتىرىپ, بىرقاتار جاڭا جوبالار ەنگىزىلدى, ونى تاجىريبەلىك تۇرعىدان تولىق قامتۋ جانە تەرەڭدەتۋ بويىنشا ارنايى جول كارتاسى ازىرلەندى. ونىڭ نەگىزگى ءمانى – ۇلتتىڭ باسەكەگە قابىلەتتىلىكتى ارتتىرۋ», دەدى ق. كوشەرباەۆ.

مەملەكەتتىك حاتشى قورىتىندىلاي كەلە جاڭا VII شاقىرىلىمداعى پارلامەنت ءماجىلىسىنىڭ دەپۋتاتتىعىنا كانديداتتار ۇسىنىلعانىن ايتتى.

«مەملەكەت باسشىسى اسسامبلەيانىڭ XXVIII سەسسياسىن شاقىرۋ تۋرالى وكىمگە قول قويدى, وندا 9 دەپۋتات سايلانادى. بۇل سايلاۋ الداعى جىلدارداعى ەتنوسارالىق قاتىناستار سالاسىندا ساياساتتىڭ تيىمدىلىگىن قايتا اتتىرۋى ءتيىس. اسسامبلەيانىڭ دەپۋتاتتىق كورپۋسىنىڭ جۇمىسىن جەتىلدىرىپ, بولاشاقتاعى قىزمەتى مەن ماقسات-مىندەتتەرىن قايتا قاراستىرۋ كۇن تارتىبىندە تۇر. جاڭا جاعدايدا ءداستۇرلى قالىپتان شىعىپ, جاڭا جولدار قاراستىرىپ ۇيرەنۋ قاجەت. سوندىقتان اسسامبلەيا جانە پارلامەنت الدىندا جاقىن بولاشاقتا تۇرعان مىندەتتەردى تاعى ءبىر مارتە ناقتىلاپ, شەشۋ كەرەك دەپ ەسەپتەيمىن», دەدى ول.

 

وتىرىس سوڭىندا قر كونستيتۋتسيالىق زاڭىنىڭ «قازاقستان رەسپۋبليكاسىنداعى سايلاۋ تۋرالى» 87 بابى جانە قر زاڭىنىڭ «قازاقستان حالقى اسسامبلەياسى تۋرالى» 10 بابىنا سايكەس, قحا كەڭەسى اسسامبلەيادان سايلاناتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا اسسامبلەيادان سايلاناتىن 9 ۇمىتكەردى ۇسىندى.

قازاقستان حالقى اسسامبلەياسى كەڭەسى ۇسىنعان قر پارلامەنتى ءماجىلىسىنىڭ دەپۋتاتتىعىنا ۇمىتكەرلەر:

1.ءابدراحمانوۆ ساۋىتبەك  ءابدراحمان ۇلى – قر پارلامەنت ءماجىلىسىنىڭ ءVى شاقىرىلىمىنىڭ قازاقستان حالقى اسسامبلەياسىنان سايلانعان دەپۋتاتى, قحا مۇشەسى.

2.اميرحانيان اۆەتيك رۋبەنوۆيچ – باتىس قازاقستان وبلىسى ءماسليحاتىنىڭ دەپۋتاتى, باتىس قازاقستان وبلىستىق «ماسيس» ارميان ەتنومادەني قوعامدىق بىرلەستىگىنىڭ توراعاسى, قحا مۇشەسى.

3.بۋلاروۆ يلياس يۋسۋپوۆيچ – جامبىل وبلىسى قورداي اۋدانى سارتوبە اۋىلدىق وكرۋگىنىڭ اكىمى.

4.دەمەنتەۆا ناتاليا گريگورەۆنا – «كوكشەتاۋ گۋمانيتارلىق-تەحنيكالىق ليتسەي-مەكتەبى» كمم ديرەكتورى.

5.لي يۋري ۆيسساريونوۆيچ – «قازاقستاننىڭ ۇلتتىق كوللەكتورلار پالاتاسى» زتب توراعاسى, قحا كاسىپكەرلەر قاۋىمداستىعىنىڭ مۇشەسى.

نابيەۆ ۆاكيل گۋسەينوۆيچ – «باربانگ» كۇردتەر قاۋىمداستىعى» رەسپۋبليكالىق قوعامدىق  بىرلەستىگىنىڭۆيتسە-پرەزيدەنتى, قحا مۇشەسى. وسين شاميل ابزالەتدينوۆيچ – «قازاقستاندىق تاتار جانە باشقۇرتتار كونگرەسى» رەسپۋبليكالىق قوعامدىق بىرلەستىگىنىڭ قاراعاندى وبلىسى بويىنشا فيليالىنىڭ ديرەكتورى, قاراعاندى وبلىستىق ءماسليحاتىنىڭ دەپۋتاتى, قحا مۇشەسى. توحتاسۋنوۆ ۆلاديمير يمتاحۋنوۆيچ – ««جەتىسۋوبلگاز» جشس باس ديرەكتورى. حامەدوۆ ابيلفاس مۋسليموۆيچ – «ازەربايجاندىقتار قاۋىمداستىعى» رەسپۋبليكالىق قوعامدىق بىرلەستىگىنىڭ توراعاسى, قحا مۇشەسى.

ايتا كەتەيىك, 2021 جىلعى 11 قاڭتاردا قازاقستان حالقى اسسامبلەياسىنىڭ سەسسياسىندا 9 ءماجىلىس دەپۋتاتىن سايلاۋ ءتورتىنشى رەت وتەدى.

2020 جىلعى 10 جەلتوقساندا مەملەكەت باسشىسى قحا سەسسياسىن شاقىرۋ تۋرالى ءتيىستى قاۋلىعا قول قويدى.    سەسسيا جانە داۋىس بەرۋدى وتكىزۋ ورنى رەتىندە بەيبىتشىلىك جانە كەلىسىم سارايى بەلگىلەندى.

ەگەر اسسامبلەيا مۇشەلەرىنىڭ جارتىسىنان كوبى قاتىسسا, سەسسيا شەشىمى قابىلداندى دەپ سانالادى. بۇگىنگى كۇنى قازاقستان حالقى اسسامبلەياسىنىڭ 504 مۇشەسى بار.

ءار سايلاۋشى – اسسامبلەيا مۇشەسى – جەكە داۋىس بەرەدى.

داۋىس بەرۋگە قاتىسقان اسسامبلەيا مۇشەلەرىنىڭ 50 پايىزدان جوعارى داۋىسىن جيناعان كانديداتتار سايلاندى دەپ سانالادى.