بۇگىن, نۇر-سۇلتان قالاسىنىڭ ۋاقىتىمەن ساعات 15-00-دە قازاقستان پرەزيدەنتى قاسىم-جومارت توقاەۆ ۆيدەو كونفەرەنتسيا رەجيمىندە وتەتىن جوعارى ەۋرازيالىق ەكونوميكالىق كەڭەستىڭ وتىرىسىنا قاتىسادى. كەڭەسكە بەلارۋس رەسپۋبليكاسى توراعالىق ەتەدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى, دەپ حابارلايدى Egemen.kz.
"سامميتكە ەۋرازيالىق ەكونوميكالىق وداققا مۇشە مەملەكەتتەردىڭ باسشىلارىنان بولەك, باقىلاۋشى ەل ەسەبىندە مولدوۆا پرەزيدەنتى, شاقىرىلعان مەملەكەتتەر رەتىندە وزبەكستان مەن كۋبانىڭ باسشىلارى قاتىسادى. جيىندا ەۋرازيالىق ەكونوميكالىق وداقتى دامىتۋدىڭ وزەكتى ماسەلەلەرى, ونىڭ ىشىندە, ەۋرازيالىق ەكونوميكالىق ينتەگراتسيانىڭ 2025 جىلعا دەيىنگى ستراتەگيالىق دامۋ باعىتتارىنىڭ پىسىقتالعان جوباسى, وداقتىڭ حالىقارالىق قىزمەتىنىڭ كەيبىر اسپەكتىلەرى تالقىلانباق", دەپ جازدى ب.ءۋالي.
ءىس-شارا قورىتىندىسى بويىنشا ەۋرازيالىق ەكونوميكالىق وداقتىڭ تيىمدىلىگىن ودان ءارى نىعايتۋعا باعىتتالعان بىرقاتار قۇجاتقا قول قويىلماق.