پلەي-وفف كەزەڭىنە شىقتى

كەيبىر كوماندالار جولداما تاعدىرىن 4 جانە 5-تۋر ويىندارىنان كەيىن-اق شەشىپ قويعانىمەن, كەي توپتاردا پلەي-وفف كەزەڭىنە شىققان كوماندالار سوڭعى تۋردا انىقتالدى. ماسەلەن, ۆ توبىندا ونەر كورسەتكەن ءتورت كوماندانىڭ تورتەۋىندە دە كەلەسى كەزەڭگە شىعاتىن مۇمكىندىك بولدى. 6-تۋرعا دەيىن ءۇشىنشى ورىندا تۇرعان «رەال» ءوز الاڭىندا بەنزەمانىڭ ءدۋبلى ارقاسىندا «بورۋسسيا م» كلۋبىن جەڭىپ, ءبىرىنشى ورىنمەن 1/16 كەزەڭگە جولداما الدى. «بورۋسسيا م» جەڭىلسە دە جارىستى ءارى قاراي جالعاستىرۋعا مۇمكىندىك الدى. ال سىرت الاڭدا «ينتەرمەن» تەڭ ءتۇسىپ, توپتا ءۇشىنشى ورىندى يەلەنگەن «شاحتەر» ەۋروپا ليگاسىندا باق سىنايتىن بولدى. يتا­ليا كومانداسى سوڭعى ورىندا قالىپ قويدى.

سونىمەن, پلەي-وفف كەزەڭىنە مىنا كوماندالار جولداما الدى: «باۆاريا», «بورۋسسيا» (دورتمۋند), «بورۋسسيا» (مەنحەنگلادباح), «رب لەيپتسيگ» (گەرمانيا); «مانچەستەر سيتي», «ليۆەرپۋل», «چەلسي» (انگليا); «يۋۆەنتۋس», «اتلانتا», «لاتسيو» (يتاليا); «رەال», «اتلەتيكو», «سەۆيليا», «بارسەلونا» (يسپانيا); پسج (فرانتسيا) جانە «پورتۋ» (پورتۋگاليا).

جەرەبە تارتۋ ءراسىمى 14 جەلتوقسانعا, 1/16 كەزەڭىنىڭ العاشقى ويىندارى 16/17/23/24 اقپانعا, قارىمتا كەزدەسۋلەر 9/10/16/17 ناۋرىزعا جوسپارلانعان.