نۇر-سۇلتان قالاسىندا «اۋىل» حدپپ رەسپۋبليكالىق قوعامدىق شتابىنىڭ اشىلۋ سالتاناتى ءوتتى. ءىس-شاراعا پارلامەنت ءماجىلىسىنىڭ دەپۋتاتتىعىنا كانديداتتار ز.الىپبەك, د.كاپ ۇلى, ب.تولەگەن, ا.ساتتاروۆ, ا.كۋكەەۆا قاتىستى.
ونلاين رەجىمدە وتكەن جيىندا «اۋىل» حدپپ توراعاسى ءا.بەكتاەۆ كىرىسپە ءسوز سويلەپ, ۇگىت-ناسيحات ناۋقانىنىڭ نەگىزگى باسىمدىقتارىن اتاپ ءوتتى.
رەسپۋبليكالىق قوعامدىق شتابتىڭ باسشىسى ت.راحىمبەكوۆ شتابتىڭ دايىندىعى تۋرالى باياندادى. ورتالىق سايلاۋ كوميسسياسى مەن اۋماقتىق سايلاۋ كوميسسيالارىندا «اۋىل» پارتياسىنىڭ پارتيالىق ءتىزىمى بويىنشا, وعان بارلىعى 625 ادام دەپۋتاتتىققا كانديدات رەتىندە رەسمي تىركەلدى, ونىڭ ىشىندە پارلامەنت ماجىلىسىنە – 19 ادام, وبلىستار مەن رەسپۋبليكالىق ماڭىزى بار نۇر-سۇلتان, الماتى جانە شىمكەنت قالالارىنا – 98 ادام, وبلىستىق ماڭىزى بار اۋداندىق جانە قالالىق قالالارعا – 508 ادام. ۇگىت-ناسيحات ناۋقانىنا 14 وبلىس ورتالىعى مەن رەسپۋبليكالىق ماڭىزى بار 3 قالادا 17 وڭىرلىك شتاب ءوز جۇمىسىن باستادى. سونىمەن قاتار ءار اۋدان ورتالىعىندا اۋماقتىق شتابتار اشىلدى.
ءىس-شارا بارىسىندا پارتيانىڭ سايلاۋالدى باعدارلاماسى تانىستىرىلدى (باعدارلامانىڭ تولىق ماتىنىمەن «اۋىل» پارتيياسىنىڭ رەسمي سايتىندا جانە الەۋمەتتىك جەلىلەردەگى پاراقشالارىندا تانىسۋعا بولادى).
ۇگىت-ناسيحات ناۋقانى كەزىندە ونلاين رەجىمىندە وڭىرلەردە سايلاۋشىلارمەن كەزدەسۋلەر, اكتسيالار, دەباتتار, فلەشموبتار وتكىزىلەدى. ءارتۇرلى دەڭگەيدەگى دەپۋتاتتىققا كانديداتتار «اۋىلدان اۋىلعا» اكتسياسى شەڭبەرىندە شالعاي اۋىلدى قامتي وتىرىپ, ءاربىر اۋىل تۇرعىنىمەن كەزدەسەدى جانە ۇگىت-ناسيحات جۇمىستارىن جۇرگىزەدى.
پاندەمياعا بايلانىستى ۇگىت-ناسيحات كەزەڭىندە سايلاۋ زاڭناماسىنىڭ تالاپتارىن جانە سانيتارلىق-ەپيدەميالىق نورمالاردى قاتاڭ ساقتاۋ قاجەتتىگى وڭىرلەرگە ەسكەرتىلدى. شتابتىڭ اشىلۋ سالتاناتىنان Facebook-تەگى رەسمي اككاۋنتىندا باق وكىلدەرى ءۇشىن ونلاين كورسەتىلىم ۇيىمداستىرىلدى.