قازاقستانعا گۋمانيتارلىق كومەك رەتىندە اكەلىنگەن دارىلەردىڭ ساتىلعانى انىقتالدى

كەدەن زاڭناماسىنا سايكەس, گۋمانيتارلىق جۇك كەدەندىك الىمداردى تولەۋدەن بوساتىلادى («قازاقستان رەسپۋبليكاسىنداعى كەدەندىك رەتتەۋ تۋرالى» كودەكستىڭ 80, 336-باپتارى). الايدا, تاۋارلار كەيىننەن جەكە كومپانيامەن گۋمانيتارلىق ماقساتتارعا ەمەس, باسقا ماقساتتارعا پايدالانىلعان.

مۇنداي جاعدايلاردا كومپانيا كەدەندىك تولەمدەر مەن سالىقتاردى تولەۋى قاجەت. ناقتى بۇل جاعدايدا اتالعان تولەم 40 ملن تەڭگەدەن استام سومانى قۇرادى. كىنالى تۇلعالارعا قاتىستى قىلمىستىق ءىس قر قك 236-بابىنىڭ 1-بولىگى (كەدەندىك باجداردى, كەدەندىك الىمداردى, سالىقتاردى تولەۋدەن جالتارۋ...) بويىنشا سدتبت-دە تىركەلىپ, الماتى قالاسى بويىنشا ەكونوميكالىق تەرگەۋ دەپارتامەنتىمەن تەرگەلۋدە.

باسقا جاعدايدا, كولىك پروكۋرورلارى شىعارۋعا شەكتەلگەن تاۋارلاردى ەلدەن تىس جەرلەرگە ەكسپورتتاۋ فاكتىسىنىڭ جولىن كەستى. اتاپ ايتقاندا, كومپانيا 140 ملن تەڭگەدەن استام سوماعا مەديتسينالىق جەكە قورعانۋ قۇرالدارىن (قورعانىش كوستيۋمدەرىن) شەت مەملەكەتكە شىعارۋعا تىرىسقان.

اتالعان فاكتى قىلمىستىق كودەكستىڭ 234-بابى 2-بولىگى 4-تارماعى (ەكونوميكالىق كونتراباندا) بويىنشا سدتبت-دە تىركەلدى. 10-قاراشادا تۇركسىب اۋداندىق سوتىنىڭ ۇكىمىمەن كىنالى ادامعا 1 جىل 6 اي مەرزىمگە باس بوستاندىعىن شەكتەۋ جازاسى تاعايىندالدى.