Nur Otan پارتياسى تۇركىستان وبلىستىق فيليالىنا قاراستى قوعامدىق قابىلداۋ بولمەلەرىنە جىل باسىنان بەرى 27 مىڭ ءوتىنىش, ارىز-شاعىم تۇسكەن. بۇل 2019 جىلدىڭ وسى كەزەڭىمەن سالىستىرعاندا 4 ەسە كوپ. وتىنىشتەردى قابىلداۋ سانى بويىنشا تۇركىستان وبلىسى رەسپۋبليكادا ەكىنشى ورىندا تۇر, دەپ حابارلايدى Egemen.kz
پارتيانىڭ وبلىستىق فيليالى ءباسپاسوز قىزمەتىنىڭ حابارلاۋىنشا, ارىز-شاعىمداردىڭ 16,3 مىڭى, ياعني 62 پايىزى وڭتايلى شەشىلگەن. ال 10 مىڭ وتىنىشكە زاڭ اياسىندا كەڭەستەر بەرىلىپ, بۇگىندە ونىڭ 111-ءى قارالۋ ۇستىندە. ارىز-شاعىمدى تالداۋ ناتيجەسىندە وتىنىشتەردىڭ 61 پايىزى قارجىلىق كومەك جانە "BIRGEMIZ" قورى ارقىلى اقشا مەن ازىق-ت ۇلىك سەبەتتەرىنە بايلانىستى كەلىپ تۇسكەنى انىقتالعان. ونىڭ ىشىندە 12 پايىزى پرايمەريزگە قاتىستى ساۋالدار, 9 پايىزى الەۋمەتتىك كومەككە مۇقتاجدىق, 2 پايىزى تۇرعىن ءۇي-كوممۋنالدىق جانە 2 پايىزى جۇمىسقا ورنالاسۋ, زاڭسىز جۇمىستان شىعارۋ, ەڭبەك اقى ءوندىرۋ ماسەلەسىنە قاتىستى جولدانعان. ال 14 پايىزى – دەنساۋلىق ساقتاۋ, ءبىلىم بەرۋ, حالىقتى تىركەۋ جانە قۇجاتتاندىرۋ, كاسىپكەرلىكتى قولداۋعا قاتىستى شاعىمدار.
ارىز-وتىنىشتەردىڭ باسىم بولىگى, ياعني 6800-ءى وبلىستىق پارتيا فيليالىنىڭ قوعامدىق قابىلداۋ بولمەسىنە تۇسكەن. ال 2100-ءى سارىاعاش اۋداندىق, 2 مىڭى جەتىساي اۋداندىق, 1900-ءى تۇلكىباس اۋداندىق فيليالدارىنا جولدانعان. ءوتىنىش بىلدىرگەندەردىڭ باسىم بولىگى نەمەسە 9,4 مىڭى (35,5%) كوپبالالى جانە تولىق ەمەس وتباسىلار بولسا, 1,8 مىڭى (7%) – جۇمىسسىزدار, 6 مىڭى (6%) ەرەكشە قاجەتتىلىكتەرى بار ادامدار, 459-ى (2%) زەينەتكەرلەر. پاندەمياعا بايلانىستى قوعامدىق قابىلداۋ بولمەلەرىنىڭ جۇمىسى ونلاين-رەجيمگە اۋىستىرىلعان بولاتىن. بيىل 13 ناۋرىزدان بەرى 23,6 مىڭ ازامات ءوتىنىش بىلدىرسە, ونىڭ ىشىندە الەۋمەتتىك جەلىلەر (Facebook جانە Instagram) ارقىلى 4,2 مىڭ, whatsapp مەسسەندجەرى ارقىلى 5,4 مىڭ ءوتىنىش كەلگەن. ال تۇركىستان وبلىستىق, اۋماقتىق پارتيا فيليالدارىنا جەدەل جەلى تەلەفوندارىنا 14 مىڭنان استام قوڭىراۋ شالىنعان.
سوڭعى 5 جىلدا وبلىستا پارتيا فيليالىنىڭ ۇيىمداستىرۋىمەن 22,1 مىڭ قوعامدىق قابىلداۋ وتكىزىلىپ, 43400 ازاماتتىڭ ارىز-شاعىمى قارالعان. قوعامدىق قابىلداۋلاردىڭ 262-ءسىن پارلامەنت ءماجىلىسىنىڭ, 5900-ءىن ماسليحات دەپۋتاتتارى, 15900-ءىن جەرگىلىكتى اتقارۋشى ورگان باسشىلارى وتكىزگەن.
ايتا كەتەيىك, بۇگىندە وبلىس كولەمىندە 17 قوعامدىق قابىلداۋ بولمەسى قىزمەت ەتەدى.