الماتى اكىمى شاھارداعى ەپيدەميالىق جاعداي تۋرالى ايتتى

باقىتجان ساعىنتاەۆتىڭ ايتۋىنشا, قالادا كوروناۆيرۋس ىندەتىن جۇقتىرعان 16 534 جاعداي تىركەلگەن (100 مىڭ تۇرعىنعا شاققاندا 828,13), 10 004-ءى سيمپتومدى بولسا, ال 6530-ى سيمپتومسىز. 06.12.2020 كۆي جۇقتىرعان 67 جاعداي تىركەلدى. سونداي-اق ونىڭ ىشىندە 53 جاعداي سيمپتومدى, 14 جاعداي سيمپتومسىز. پنەۆمونيامەن اۋىرعان 6 جاعداي تىركەلدى. بۇگىندە بۇل سان 1199-عا جەتىپ, جاعداي ۋشىعىپ بارا جاتىر.

"الماتى قالاسى 2 جەلتوقساننان باستاپ جاسىل ايماققا ەندى. جاعداي قاراشا ايىندا كوروناۆيرۋستىق ينفەكتسيانىڭ تارالۋىنا ىقپال ەتەتىن فاكتورلاردى بەيتاراپتاندىرۋ, قولدانىستاعى كارانتيندىك شارالاردى ساقتاۋ جانە ولاردىڭ ساقتالۋىنا باقىلاۋدى كۇشەيتۋ ارقىلى تۇراقتاندىرۋعا مۇمكىندىك بولدى", دەپ اتاپ ءوتتى الماتى اكىمى ب. ساعىنتاەۆ.

الماتى قالاسىندا كۆي اۋرۋىنىڭ ءوسۋى قازان ايىندا باستالدى. ەگەر قىركۇيەك ايىندا جۇقتىرۋشىلار سانى 165 جاعدايدى كورسەتسە, قازان ايىندا قاۋىپتى ىندەتكە شالدىققاندار سانى 366-عا جەتتى. اعىمداعى جىلدىڭ قاراشا ايىندا 1399 جاعداي تىركەلدى, قازان ايىمەن سالىستىرعاندا اۋرۋ جۇقتىرۋدىڭ 3,8 ەسە ءوسۋى بايقالادى.

تاۋلىكتىك ءوسىم –  0,4%, رەپرودۋكتيۆتى سانى – 0,98.

قاراشا ايىنىڭ قورىتىندىسى بويىنشا كۆي-ءدىڭ ءاربىر جاعدايىن ەپيدەميالىق تەكسەرۋ:

حالىقتىڭ كۆي-گە نەعۇرلىم بەيىم كونتينگەنتتەرى – 20-دان 60 جاسقا دەيىنگى ازاماتتار, ولار قاراشا ايىندا ناۋقاستاردىڭ 60%-دان استامىن قۇرادى:

- 14 جاسقا دەيىن – 9% (126 جاعداي);

- 15–19 جاس –  4% (54);

- 20–39 جاس –  32% (451);

- 40–59 جاس – 29% (408);

- 60 جاستان جوعارى – 26% (360).

كۆي جۇقتىرۋدىڭ نەگىزگى ورتاسى: اۋرۋ جۇقتىرۋشىنىڭ وتباسى مۇشەلەرىمەن بايلانىسى – 35% (491 جاعداي); ناۋقاسپەن جۇمىس نەمەسە وقۋ ورنى بويىنشا بايلانىس – 3% (37 جاعداي); شەت ەلدەردەن جانە قر وڭىرلەرىنەن اكەلۋ – 6% (78 جاعداي).

ينفەكتسيانى جۇقتىرۋدىڭ ىقتيمال ورىندارى: دۇكەن, ءدارىحانا, سوو-عا, قوعامدىق تاماقتانۋ ورىندارىنا بارۋ – 22% (306 جاعداي); بازارعا بارۋ – 12% (167 جاعداي); مەديتسينالىق ۇيىمدارعا بارۋ – 6% (80 جاعداي); قوعامدىق كولىكتى پايدالانۋ – 16% (228 جاعداي); وتباسىلىق ءىس-شارالارعا قاتىسۋ 1% (12 جاعداي).

حالىقتىڭ كۆي جۇقتىرۋ ورىندارىنىڭ ەگجەي-تەگجەيلى قۇرىلىمىندا سىرقاتتانعان ادامداردىڭ قوعامدىق ورىندارعا كەلۋىنىڭ ۇلەس سالماعى باسىم – ساۋدا ۇيلەرى, دۇكەندەر, بازارلار – 34%; ءۇي وشاقتارىنداعى وتباسى مۇشەلەرىمەن بايلانىس – 35%, قالاداعى قوعامدىق كولىك – 16%, مەديتسينالىق ۇيىمداردا بايلانىس – 6%, سونداي-اق شەت ەلدەردەن جانە قر وڭىرلەرىنەن اكەلۋ – 6%, جۇمىسپەن قامتۋ ورنى – جۇمىسى, وقۋى) بويىنشا – 3%.