ەكسترەميستەر ەلەكتروندىق ۇكىمەت سايتتارىنا جاپپاي Ddos-شابۋىل جاسادى, بىرقاتار ينتەرنەت-رەسۋرستاردى بۇزۋعا, ۆيرۋستى بق-عا تولتىرۋعا تىرىستى. مۇنداي ستسەناري بويىنشا نۇر-سۇلتاندا كيبەرقىلمىستار جالعاسۋدا, ولار مەملەكەتتىك ورگانداردىڭ, اقپاراتتىق قاۋىپسىزدىكتى قامتاماسىز ەتۋ بولىمشەلەرىنىڭ جانە جەدەل ورتالىقتاردىڭ, اسا ماڭىزدى وبەكتىلەردىڭ تۋىنداعان قاۋىپ-قاتەرلەرگە قارسى تۇرۋعا ازىرلىگىن كورسەتۋى ءتيىس. ورتالىق كوممۋنيكاتسيالار قىزمەتىندە وتكەن بريفينگتە قر ءتسدياوم اقپاراتتىق قاۋىپسىزدىك كوميتەتىنىڭ توراعاسى رۋسلان ابدىقالىقوۆ ءىس-شارانىڭ ەگجەي-تەگجەيىن ايتىپ بەردى.
"شارتتى بۇزۋشى ءدىني ەكسترەميستىك پيعىلدان ەلەكتروندىق ۇكىمەتتىڭ اقپاراتتاندىرۋ وبەكتىلەرىنە, اقپاراتتىق-كوممۋنيكاتسيالىق ينفراقۇرىلىمنىڭ اسا ماڭىزدى وبەكتىلەرىنە جاپپاي قواب-شابۋىلدار جاسايدى, مەملەكەتتىك ينتەرنەت-رەسۋرستاردى بۇزۋعا, الەۋمەتتىك جەلىلەردە دۇرىس ەمەس اقپارات تاراتۋعا, فيشينگ جانە زياندى باعدارلامالىق قامتاماسىز ەتۋدى تاراتۋعا ارەكەت جاسايدى. سوڭعى ءىس - شارا كيبەر جاتتىعۋلار جوسپارى بويىنشا ءسال ەرتەرەك باستالدى جانە كوپتەگەن مەملەكەتتىك قىزمەتشىلەر ءوز جۇمىس ورىندارىندا تەستىلىك زياندى بق فيشينگتىك تاراتىلىمىنا تاپ بولدى",- دەپ ءتۇسىندىردى سپيكەر.
ايتا كەتەيىك, تسيفرلىق دامۋ مينيسترلىگى ۇيىمداستىرعان وقۋ-جاتتىعۋلارعا ۇقك, "مەملەكەتتىك تەحنيكالىق قىزمەت" اق, "كيبەرشابۋىلداردى تالداۋ جانە تەرگەۋ ورتالىعى" وكىلدەرى قاتىسۋدا.
"وقۋ جوسپارىنا سۇيەنە وتىرىپ, اركىمنىڭ ءوز ءرولى بار. "قازاقستاننىڭ كيبەرقالقانى" جۇيەسىندە كوزدەلگەن قورعاۋ تەحنيكالىق تەتىكتەرىن ۇقك قىزمەتكەرلەرى مەن "متق" اق اقپاراتتىق قاۋىپسىزدىكتى ۇلتتىق ۇيلەستىرۋ ورتالىعى ىسكە قوساتىن بولادى, شارتتى بۇزۋشى ءرولىن كشتتو كاسىبي كومانداسى, مۇددەلى مەملەكەتتىك ورگاندارمەن سالاارالىق ءوزارا ءىس - قيمىل جانە تسيفرلىق دامۋ مينيسترلىگىنە كيبەرشابۋىلداردى جالپى ۇيلەستىرۋ اتقاراتىن بولادى»,- دەپ اتاپ ءوتتى ابدىحالىقوۆ.