1 جەلتوقسان كۇنى حورۆاتيادا ءبىر جىنىستى كىسىلەردىڭ نەكەگە تۇرۋ ماسەلەسىن تالقىلاعان رەفەرەندۋم بولىپ ءوتتى. ال ونىڭ قورىتىندىسى كەشە, دۇيسەنبى كۇنى جاريا ەتىلدى. بۇل تۋرالى يتار-تاسس حابارلادى.
رەفەرەندۋم «وتباسى اتىنان» اتتى قوزعالىستىڭ باستاماسى بويىنشا وتكىزىلگەن ەكەن.ول ءۇشىن 750 مىڭ قول جينالعان. سونداي-اق, بىرنەشە اي بويى بالقان تۇبەگىندە وسى مەملەكەتكە قاتىستى قىزۋ قوعامدىق پىكىر الماسۋلار بولدى. ناقتى ايتقاندا, ءبىر جىنىستىلاردىڭ وتباسى قۇرۋلارىن قولداعان ناۋقان «قارسى جاققا داۋىس بەر» دەپ اتالدى.
جالپى,رەفەرەندۋمنىڭ الدىندا زاگرەبتە ساۋالداما جۇرگىزىلدى. وندا جۇرتتىڭ 59 پايىزى ءداستۇرلى نەكەنى قالايتىنى, 31 پايىزى ءبىر جىنىستىلار وداعىن جاقتايتىنى ءمالىم بولدى. سوعان قاراماستان,رەفەرەندۋمداعى داۋىس ارا سالماعىندا الشاقتىق ورىن الدى. داۋىس بەرۋگە كەلگەندەردىڭ 63 پايىزى ءبىر جىنىستىلاردىڭ وتباسى قۇرعاندارىن جاقتاعان, 31 پايىزدىق داۋىس قارسىلىق بىلدىرگەن. بۇل رەتتە رەفەرەنۋمعا 3,8 ملن. داۋىس بەرۋشىنىڭ 30 پايىزى عانا كەلىپتى.
باقىتبەك كەنەش ۇلى.
دەرەككوز: «يتار-تاسس»