شىمكەنت قالاسىندا تۇرعىنداردى باسپانامەن قامتۋ ماقساتىندا تۇرعىن ءۇي قۇرىلىسى قارقىندى ءجۇرىپ جاتىر. بۇگىندە شاھاردا الاڭى 1 ملن شارشى مەتردەن استام 14 224 پاتەرلى 262 كوپ قاباتتى تۇرعىن ۇيلەردىڭ قۇرىلىسى سالىنۋدا. ونىڭ ىشىندە, جەكە كاسىپكەرلەر ەسەبىنەن 6 147 پاتەرلى 126 كوپقاباتتى تۇرعىن ءۇي دە بار. بۇل جونىندە شىمكەنت قالاسىنىڭ اكىمى مۇرات ايتەنوۆ مەملەكەت باسشىسى جولداۋىنىڭ ورىندالۋى جونىندە وتكىزگەن ءباسپاسوز بريفينگتە باياندادى, دەپ حابارلايدى Egemen.kz.
"پرەزيدەنت جولداۋىندا ازاماتتاردىڭ الەۋمەتتىك ءال-اۋقاتى, ەڭ الدىمەن باسپانا ماسەلەسىنە تىكەلەي بايلانىستى ەكەنىن ايتقان بولاتىن. وسى ورايدا شىمكەنت قالاسىندا باسپانامەن قامتۋ ءۇشىن تۇرعىن ءۇي قۇرىلىسىنا نازار اۋدارىپ وتىرمىز. بيۋدجەت ەسەبىنەن 8077 پاتەرلى 136 كوپقاباتتى تۇرعىن ۇيلەردىڭ قۇرىلىسى جۇرگىزىلۋدە. جىل سوڭىنا دەيىن 280 پاتەرلى 5 ارەندالىق, 4 461 پاتەرلى 77 كرەديتتىك تۇرعىن ءۇيدى پايدالانۋعا بەرۋ جوسپارلانعان", - دەدى م.ايتەنوۆ.
مۇرات دۇيسەنبەك ۇلىنىڭ سوزىنشە بيىل قالادا قۇرىلىس جۇمىسى بويىنشا جاقسى كورسەتكىشكە قول جەتكىزگەن. 10 ايدا 90,6 ملرد تەڭگەگە قۇرىلىس جۇمىسى جۇرگىزىلىپ, وتكەن جىلدىڭ وسى كەزەڭىمەن سالىستىرعاندا 164,2 پايىزعا جەتكەن.