ەقىۇ-نىڭ توراعاسى جانە البانيا پرەمەر-ءمينيسترى ەدي راما قازاقستاننىڭ بۇرىنعى سىرتقى ىستەر ءمينيسترى قايرات ءابدىراحمانوۆ ۇيىمنىڭ از ۇلتتار ىستەرى جونىندەگى جوعارعى كوميسسارى بولىپ تاعايىندالعانىن مالىمدەدى, دەپ حابارلايدى Egemen.kz
"بىزدە جاڭا باسشىلاردى تاعايىنداۋعا ءبارى دايىن ەكەنىنە قۋانىشتىمىن. حەلگا شميد باس حاتشى, ماتتەو مەكاچچي دياقب (دەموكراتيالىق ينستيتۋتتار جانە ادام قۇقىقتارى جونىندەگى بيۋرو - اۆت. ەسك.) ديرەكتورى, تەرەزا ريبەيرو باق بوستاندىعى جونىندەگى وكىلى بولدى.
قايرات ءابدىراحمانوۆ ەقىۇ-نىڭ از ۇلتتار ىستەرى جونىندەگى جوعارعى كوميسسارى بولىپ تاعايىندالدى", - دەدى راما.
قايرات ءابدىراحمانوۆ سىرتقى ىستەر مينيسترلىگىن 2016 جىلدىڭ جەلتوقسانىنان 2018 جىلدىڭ جەلتوقسانىنا دەيىن باسقارعان بولاتىن.
ق.ءابدىراحمانوۆ ەلشى رەتىندە ءار جىلدارى يزرايلدە, اۆستريادا, سلوۆەنيادا جۇمىس ىستەگەن. 2008-2011 جىلدار ارالىعىندا ەقىۇ جانىنداعى قازاقستاننىڭ تۇراقتى وكىلى بولعان. بىرنەشە جىل بويى قازاقستان رەسپۋبليكاسىنىڭ بۇۇ جانىنداعى تۇراقتى وكىلى قىزمەتىن اتقارعان.