تۇركىستان وبلىسى سايرام اۋدانىنىڭ تۇرعىندارىن ساپالى اۋىز سۋمەن قامتاماسىز ەتۋ ماقساتىندا بيىل 4 ەلدى مەكەننىڭ توزىعى جەتكەن اۋىز سۋ جۇيەلەرى ورتاشا جوندەۋدەن وتكىزىلگەن. ناتيجەسىندە اۋداننىڭ 42 ەلدى مەكەنى 100% ورتالىقتاندىرىلعان اۋىز سۋمەن قامتىلدى, دەپ حابارلايدى Egemen.kz.
اۋدان اكىمى ۇلاسبەك سادىبەكوۆتىڭ دەرەگىنشە, 12 ەلدى مەكەندە تابيعي گاز جۇيەلەرىنىڭ قۇرىلىس جۇمىستارى اياقتالعان. ياعني 27 164 تۇرعىن تابيعي گازبەن قامتىلادى. قازىرگى تاڭدا 5 ەلدى مەكەنگە گاز بەرۋ جۇمىستارى جۇرگىزىلۋدە.
سونىمەن قاتار, بيىل اۆتوموبيل جولدارىن دامىتۋعا رەسپۋبليكالىق, وبلىستىق جانە جەرگىلىكتى بيۋدجەتتەن قارجى قارالىپ, 45 جولعا, ياعني 89,9 شاقىرىمعا جوندەۋ جۇمىستارى جۇرگىزىلىپ, اسفالت توسەلدى. وبلىستىق ماڭىزى بار «كح-3- كوكسايەك - شايان - اققالا - سارقىراما» جولىنىڭ 5 شاقىرىمى جوندەۋدەن ءوتتى. نىسان 2021 جىلعا وتپەلى. جىل قورىتىندىسىمەن جالپى پايدالانىمداعى جولداردىڭ قاناعاتتى جاعدايداعى ۇلەسىن 52,7%-دان 59,4%-عا دەيىن ارتتىرۋ كوزدەلۋدە.