شىمكەنت گارنيزونىنىڭ اسكەري بولىمىندە اسكەري قىزمەت قاۋىپسىزدىگى تالاپتارىن زەردەلەۋ بويىنشا كەشەندى پراكتيكالىق ساباقتار وتكىزىلدى, دەپ حابارلايدى Egemen.kz.
ساباقتار جەكە قۇرامدى, ءبىرىنشى كەزەكتە جاس بۋىندى, ءوزىنىڭ قىزمەتتىك مىندەتتەرىن ورىنداۋدىڭ قاۋىپسىز تاسىلدەرىن, قارۋ-جاراق پەن تەحنيكاعا قىزمەت كورسەتۋ كەزىندە وقيعالاردىڭ الدىن الۋ, سونداي-اق مانەكەندەر مەن ماكەتتەردە قاۋىپسىزدىك تالاپتارىن ساقتاماۋدىڭ ناقتى سالدارلارىن كورسەتۋ ءۇشىن وتكىزىلدى. جەكە قۇرام ساباق باعدارلاماسىن تولىق مەڭگەرە الاتىنداي 12 وقۋ ورنى جابدىقتالدى.
وقۋ ورىندارىندا اسكەري قىزمەتشىلەرگە اسكەري تەحنيكانى پايدالانۋ, قارۋ-جاراققا قىزمەت كورسەتۋ ەرەجەلەرىن, ۋلى زاتتاردى پايدالانۋ كەزىندەگى ساقتىق شارالارىن, قاراۋىلدا قىزمەت وتكەرۋ كەزىندە جانە اتىس دايارلىعى بويىنشا ساباقتار بارىسىندا قاۋىپسىزدىك تالاپتارىن, سونداي-اق العاشقى مەديتسينالىق كومەك كورسەتۋدى كورنەكىلەپ كورسەتتى جانە ءتۇسىندىردى. بارلىق تەوريالىق ءبولىم قارۋ-جاراق پەن اسكەري تەحنيكانىڭ ناقتى ۇلگىلەرىندە پراكتيكالىق كورسەتىلدى.
سونداي-اق, اسكەري قىزمەتشىلەرگە جارىلعىش زاتتار مەن وق-دارىلەردىڭ نەگىزگى سيپاتتامالارى جانە ولارمەن جۇمىس ىستەۋ كەزىندەگى قاۋىپسىزدىك تەحنيكاسى تۋرالى ايتىلدى.
ساباق قورىتىندىسىندا ەرەكشە نازار العاشقى مەديتسينالىق كومەككە اۋدارىلدى. سانيتارلىق نۇسقاۋشى اسكەري قىزمەتشىلەرگە ءتۇرلى جاراقاتتار مەن ومىرگە قاۋىپ تونگەن كەزدە العاشقى مەديتسينالىق كومەك كورسەتۋ ەرەجەلەرىن ەسكە سالدى جانە سانيتارلىق-ەپيدەميالىق قاۋىپسىزدىك ەرەجەلەرى مەن ءوز دەنساۋلىعىن باقىلاۋ تۋرالى تاعى دا ايتىپ ءوتتى.