حالىققا قىزمەت ەتۋدىڭ جارقىن ۇلگىسى

ۇلت كوشباسشىسىنىڭ تۇراقتى جانە جۇيەلى نەگىزدە اتقارىپ كەلە جاتقان ولشەۋسىز ەڭبەگىنىڭ ناتيجەسىندە قازاق­ستان سەرپىندى دامۋ جولىنا ءتۇستى, ساياسي, ەكونوميكالىق جانە الەۋمەتتىك, ونىڭ ىشىندە دەنساۋلىق ساقتاۋ سالاسى جاڭ­عىر­تىلدى. قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىن اتاپ وتە وتىرىپ, ەلباسىمىزعا, مەملەكەتى­مىزدىڭ قالىپتاسۋى مەن دامۋىنا قوسقان تاريحي ەڭبەگىنە قۇرمەت كورسەتەمىز.

قازاقستاننىڭ جانە تۇڭعىش پرە­زي­دەنتتىڭ ايرىقشا جەتىستىگى – جاڭا ەلوردا – نۇر-سۇلتان قالاسىنىڭ سالىنۋى. وتكەن 22 جىل ىشىندە قاتارداعى وبلىس ورتالىعىنىڭ ورنىندا قالا قۇرىلىسى, ساۋلەت سالاسىنداعى بارلىق الەمدىك تالاپتارعا, سونداي-اق وسىنداي دەڭگەيدەگى جانە مارتەبەلى قالالارعا قويىلاتىن باسقا دا تالاپتارعا سايكەس استانالىق فۋنكتسيالارى بار زاماناۋي ىرگەلى قالا پايدا بولدى. نۇر-سۇلتان تاۋەلسىز قازاقستاننىڭ ايشىقتى كەلبەتىنە اينالدى. ەلوردا بۇكىل رەس­پۋبليكا ءومىرىنىڭ رەڭى مەن قارقىنىن بەلگىلەيدى. ەلوردانى كوشىرۋ تاۋەلسىزدىك كەزەڭىندەگى ەلىمىزدىڭ دامۋ بارىسىن ايقىنداپ بەرگەن داۋىرلىك وقيعا بولدى.

نۇرسۇلتان نازارباەۆ  مەملەكەتتى باسقارعان كەزەڭدە قازاقستان ۇلى جەتىس­تىكتەرگە قول جەتكىزدى.1991 جىلدان باس­تاپ قازاقستان ەكونوميكاسى 20 ەسەگە جۋىق ءوستى, ءبىر جارىم مىڭنان استام مەكتەپ, ەكى مىڭنان استام ەمحانا مەن اۋرۋحانا, مىڭعا جۋىق بالاباقشا سالىندى. حالىقتىڭ ورتاشا ءومىر ءسۇرۋ ۇزاقتىعى – 67 جاستان 73 جاسقا دەيىن ءوستى. وسىنىڭ بارلىعى ەلباسىنىڭ سىندارلى ساياساتى ارقاسىندا جۇزەگە استى.

تۇڭعىش پرەزيدەنتتىڭ باسشىلىعى­مەن ەلىمىزدە بۇرىن-سوڭدى بولماعان 14 500 شاقىرىم جول سالىندى جانە قايتا جوندەلدى. بۇل جاي جولدار ەمەس, بەتون جولدار, اۆتوباندار. بۇرىن بەس-التى ساعاتتا ەڭسەرىلگەن جولدى قازىر ەكى-ءۇش ساعات­تا ءجۇرىپ وتەمىز. سونداي-اق 2 500 شا­قى­رىم تەمىر جول, كاسپي تەڭى­زىن­دە ەكى پورت سالىندى. بۇل باعىتتى ساق­تاۋ عانا ەمەس, دامىتۋ دا ماڭىزدى. اۆتوجول قۇرىلىسىنىڭ كەيبىر جوبالارى­نا مەن ءوزىم دە قاتىستىم. سول كەزدە ەلدىڭ ەكو­نو­ميكالىق, يندۋستريالىق الەۋەتىنىڭ قان­شالىقتى ارتقانىنا كوز جەتكىزدىم.

تۇتاستاي العاندا, ەگەر تاۋەلسىزدىكتىڭ 30 جىلى ىشىندە تۇڭعىش پرەزيدەنت, ەلباسىنىڭ باسشىلىعىمەن جۇزەگە اسىرىلعان تابىستى رەفورمالار مەن جەتىستىكتەردى وتە ۇزاق ۋاقىت اتاپ وتۋگە بولادى.  بۇگىندە قازاقستان اس­قارا­لى بيىكتەردەن كورى­نىپ, حالىق­ارا­لىق ارەناداعى بەدەل­ىنىڭ  بيىك بولۋى نۇر­سۇلتان نازار­باەۆ­تىڭ  ديپلو­ماتي­يالىق قا­رىم-قاتىناستاعى ەسەلى ەڭبەگىنىڭ ناتي­جەسى ەكەندىگى ءسوزسىز. شىنىندا دا, بۇل تاريحي ولشەمدەر بويىنشا قىسقا مەرزىم, بىراق قازاقستان وسى جىلدار ىشىندە ەگەمەندى دامۋ جولىندا ماڭىزدى قادامدار جاسادى جانە ايتارلىقتاي جەتىستىكتەرگە جەتتى.

مەنىڭ ويىمشا, ەلىمىزدىڭ ءاربىر ازاماتى ءۇشىن تۇڭعىش پرەزيدەنت كۇنىن مەرەكە­لەۋدىڭ ماڭىزى زور.  بۇل – قازاق­ستانداعى حالىق بىرلىگى مەن كەلىسىم كۇنى. ەلىمىزدىڭ تۇڭعىش پرەزيدەنتى تاريح­قا ەگەمەن قازاقستاننىڭ بارلىق جەتىس­­تىك­تەرىمەن بايلانىستى تۇلعا رەتىندە, بۇكىل قىزمەتى ءوز حالقىنا قىز­مەت ەتۋ­دىڭ جارقىن ۇلگىسى بولىپ تابىلاتىن الەم­دىك اۋقىمداعى كورنەكتى ساياساتكەر رەتىندە ماڭگىلىككە ەندى.

ەرىك سۇلتانوۆ, 

پارلامەنت سەناتىنىڭ دەپۋتاتى