نۇر-سۇلتان قالاسىنىڭ اكىمى التاي كولگىنوۆ "ەڭبەگى جانعان ارۋلار" اتتى ىسكەر ايەلدەر فورۋمىنا قاتىستى. بۇل تۋرالى ول وزىنىڭ ينستاگرام پاراقشاسىندا جازدى, دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.
"حالىقتىڭ الەۋمەتتىك ءالسىز توپتارىن قولداۋ — ءبىزدىڭ نەگىزگى باسىمدىقتارىمىزدىڭ ءبىرى. بيۋدجەتتى ماڭىزدى بولىگى الەۋمەتتىك باعىتقا باعىتتالادى. بيىل پاندەميانى ەسكەرە وتىرىپ, بيۋدجەت شىعىنداردى ازايتۋ جۇمىستارىن جۇرگىزدىك. الەۋمەتتىك سالالارعا قوسىمشا 10 ملرد.تەڭگەدەن استام قاراجات قاراستىرىلدى. ناقتى كومەك كورسەتۋ ءۇشىن وتكەن جىلدىڭ جازىندا "جانۇيا" وتباسى ينستيتۋتىن قولداۋ ورتالىعى اشىلدى. بۇگىن ورتالىقتىڭ جۇمىسى قر پرەزيدەنتىنىڭ كومەكشىسى تامارا دۇيسەنوۆاعا تانىستىرىلدى.
ورتالىقتا قالا تۇرعىندارى تۇرعىن ءۇي, ءبىلىم بەرۋ, مەديتسينا, ااك تاعايىنداۋ, بيزنەستى اشۋ جانە ت.ب. ماسەلەلەر بويىنشا كەڭەس الىپ, كومەك الا الادى. سونىمەن بىرگە ورتالىقتا بىلىكتىلىكتى ارتتىرۋ كۋرستارى وتكىزىلەدى, قۇقىقتىق جانە پسيحولوگيالىق كومەك كورسەتىلەدى. "جانۇيا" ورتالىعىندا ادامدار ء"بىر تەرەزە" قاعيداتى بويىنشا كومەك الادى. وسى ۋاقىت ىشىندە ورتالىق 30 مىڭنان استام ادامنىڭ ماسەلەسىن وڭدەدى.
سونىمەن قاتار, بۇگىن "جانۇيا" ورتالىعىندا "ەڭبەگى جانعان ارۋلار" اتتى جۇمىس ىستەيتىن ايەلدەر فورۋمىنا قاتىستىم. وندا جۇمىس ىستەيتىن ايەلدەردىڭ مارتەبەسىن ارتتىرۋ, الەۋمەتتىك جوبالاردى كەڭەيتۋ جانە قولداۋ جانە ت.ب. ماسەلەلەر قارالدى. قر ىسكەر ايەلدەر قاۋىمداستىعىنىڭ بەلسەندى مۇشەلەرىنە العىس حاتتار تابىس ەتىلدى", دەپ جازدى التاي كولگىنوۆ.