كاسپي تەڭىزىنىڭ قازاقستاندىق سەكتورىنداعى ەڭ ءىرى كەنىش – "قاشاعان". بۇل كەن ورنىنان مۇناي ءوندىرۋ 2013 جىلى باستالعان ەدى. ال 2016 جىلى مۇندا "قارا التىن" الۋ قايتا جالعاستى. سوڭعى ءتورت جىلدا وندىرىلگەن مۇنايدىڭ كولەمى 50 ملن تونناعا جەتتى, دەپ حابارلايدى Egemen.kz.
"سولتۇستىك كاسپي جوباسىنىڭ وپەراتورى – NCOC كومپانياسى تاعى ءبىر ماڭىزدى كورسەتكىشكە قول جەتكىزدى. "قاشاعان" كەن ورنى 2016 جىلدان بەرى 50 ملن توننا مۇناي ءوندىرىلىپ, ەكسپورتتالدى. كومپانيا COVID-19 ينفەكتسياسىنىڭ تارالۋىن بولدىرماۋ ماقساتىندا قاۋىپسىزدىك شارالارىن قابىلداپ, نىساندارداعى جۇمىس كۇشىن شەكتەگەن. سوعان قاراماستان, "قاشاعان" كەن ورنىن يگەرۋدىڭ ءبىرىنشى كەزەڭى شەڭبەرىندە مۇناي ءوندىرۋدىڭ تۇراقتىلىعىن, وزگە دە نىسانداردىڭ جۇمىسىن قامتاماسىز ەتۋدە", دەپ حابارلادى كومپانيانىڭ ءباسپاسوز قىزمەتى.