گەرمانيادا 20 جەلتوقسانعا دەيىن مەيرامحانالار مەن باسقا دا قوعامدىق تاماقتانۋ ورىندارى, سونداي-اق ويىن-ساۋىق جانە مادەني ورتالىقتار جابىق بولادى, - دەپ حابارلايدى Egemen.kz
ءتيىستى كەلىسىمگە گەرمانيا كانتسلەرى انگەلا مەركەل مەن فەدەرالدى مەملەكەت باسشىلارىنىڭ كەڭەسىندە قول جەتكىزىلدى.سونىمەن قاتار, فەدەرالدى جانە مەملەكەتتىك ورگاندار سىرقاتتانۋ كورسەتكىشىنىڭ جوعارى دەڭگەيى بار ايماقتار ءۇشىن شەكتەۋ شارالارىن قاتايتۋعا نيەتتى (سوڭعى جەتى كۇندە 100 مىڭ تۇرعىنعا شاققاندا 200-دەن استام جاعداي).جاڭا شەكتەۋلەر مەكتەپتەر مەن ساۋدا سالاسىنا قاتىستى بولماق. روجدەستۆو مەرەكەسى الدىندا دۇكەندەر مەن ساۋدا ورتالىقتارىندا ادامداردىڭ كوپ جينالۋىنا جول بەرمەۋ ءۇشىن ءتيىستى شارالاردى قابىلداۋ جوسپارلانۋدا.اتاپ ايتقاندا, اۋدانى 800 شارشى مەترگە دەيىنگى ساۋدا ورىندارىندا 10 شارشى مەترىنە ءبىر ادامنىڭ, ءىرى دۇكەندەردە 20 شارشى مەترىنە ءبىر ادامنان ارتىق كىرۋىنە رۇقسات ەتىلمەيدى.